Дьокуускайга үс арыгы атыылыыр пуун административнай эппиэтинэскэ тардылынна

Ааспыт нэдиэлэҕэ Дьокуускайга арыгы атыылааһын эйгэтигэр 14 буруйу оҥоруу тахсыбыта бэлиэтэннэ. Ол курдук, Дьокуускай куоракка полиция үлэһиттэрэ аһыы утаҕы атыылааһын эйгэтигэр 14 буруйу оҥорууну арыйдылар, административнай боротокуоллар оҥоһулуннулар, 250 лиитирэ испиир былдьанна, диэн Дьокуускай куорат баһылыгын Евгений Григорьев ТГ-ханаала суруйар.

Олохтоохтор Евгений Григорьев  ВКонтакте тус страницатыгар хаалларбыт үҥсүүлэринэн оҥоһуллубут испииһэккэ олоҕуран, арыгы атыылыыр эбийиэктэригэр 15 хонтуруоллуур бэрэбиэркэ ыытылынна, онно 4 буруйу оҥоруу тахсыбыта булулунна. Полиция салааларыгар уопсастыбаннай миэстэлэртэн 87 киһи тутуллан тиэрдилиннэ, ол иһигэр сылаас оптуобус тохтобулларыттан 9 киһи, оттон уулуссалартан 60 киһи.

Дьокуускай куорат административнай хамыыһыйата арыгы атыылыыр пууннарга булуллубут кэһиилэринэн үс боротокуолу оҥордо: СӨ АХК 6.25 ыстатыйатынан – «Гринлион», «У Бати», уонна 6.23 ыстатыйатынан – «Пенная станция» диэннэр. Ону таһынан, ааспыт нэдиэлэҕэ хонтуруоллуур уонна быраабы араҥаччылыыр уорганнар бэрэстэбиитэллэрин кыттыылаах биэдэмистибэлэр икки ардыларынааҕы мунньах буолла. Сокуоннары, ол иһигэр баһаартан  куттал суох буолуутун нуорматын уонна санитарнай ирдэбиллэри тутуспат арыгы атыылыыр пууннарга хамаанданан үлэни салгыырга уонна күүһүрдэргэ быһаарыннылар.

«Ытыктабыллаах куорат олохтоохторо! Арыгы бородууксуйатын атыылыыр эбийиэктэргэ бэлиэтээбит  сокуону кэһиилэр иахсыбыттарын тустарынан иһитиннэриилэри мин ВКонтакте тус страницабар хаалларыаххытын сөп: https://vk.com/wall710173374_13407», — диэн Дьокуускай куорат баһылыгын Евгений Григорьев иһитиннэрдэ.