Хааччахтары аахсыбакка, пуорумҥа 10 дойдуттан кытыннылар

IV Хотугу сир туруктаах сайдыытын пуорумугар 10 дойдуттан тыһыынчаттан тахса экспер уонна научнай холбоһуктар бэрэстэбиитэллэрэ кытыннылар. Ол туһунан Ил Дархан Айсен Николаев «Ый түмүктэрэ»  «Саха» НКИК  биэриитигэр эттэ диэн СИА иһитиннэрэр.

«Биһиги Хотугу пуоруммут кэнники сылларга аан дойду Арктикатыгар дьоһуннаах экспертнэй былаһаакка буолла. Төһө даҕаны Арҕаа дойдулар Арктика эрэгийиэннэригэр пуорумҥа кыттыыны быһаччы боппуттарын, хааччахтаабыттарын аахсыбакка, бүгүн аан дойду 10 дойдутуттан экспертэр үлэлииллэр»,– диэн бэлиэтээтэ Айсен Николаев. Арктика эрэгийиэннэригэр билиҥҥи уустук усулуобуйаҕа инновационнай энергияны уонна экологияны харыстыыр технологиялары туһанан өссө күүскэ бииргэ үлэлиир кыах үөскүүр.

«Пуорум Арктикаҕа бүтүннүүтүгэр наадалаах сүрүн аан дойдутааҕы экспертнэй былаһаакканан буолла. Бу аптарытыаппытын салгыы бөҕөргөтүөхпүт», – диэтэ Айсен Николаев.

Хаартыска — СИА