Хаартыска sakha.gov.ru ылылынна
Дмитрий Садовников хаарбахтан көһөрүү бырагырааматыгар хаалбыт эбийиэктэри сыл бүтүөр диэри үлэҕэ киллэрэргэ сорудахтаата.
СӨ бастакы вице-премьерэ Дмитрий Садовников саахалланар туруктаах дьиэлэртэн көһөрүү өрөспүүбүлүкэтээҕи бырагыраама чэрчитинэн ыытыллар кыһалҕалаах эбийиэктэр боппуруостарынан сүбэ мунньаҕы ыытта. Манна өссө 2023 сылга үлэҕэ киллэриллиэхтээх 14 дьиэ туһунан кэпсэтии барар. Ол эрээри, араас биричиинэлэринэн, кэккэ кыһалҕалары киллэрэн туран, 2024 сылга көһөрүллүбүт.
Ол курдук, Нерюнгри улууһугар Чульмаҥҥа элбэх кыбартыыралаах үс дьиэ тутуллар. Итинтэн иккитин быйыл үлэҕэ киллэрэр былааннаахтар. Орто Халыма куоратыгар элбэх кыбартыыралаах икки дьиэни туталлар. Итинитэн биирдэрэ алтынньыга түмүктэниэхтээх, иккиһин ахсынньыгы былаанныыллар.
Уус Алдан улууһугар Бороҕоҥҥо икки дьиэ тутулла турар, олору сыл бүтүөр диэри үлэҕэ киллэрэр соруктаахтар. Маны таһынан, 56 кыбартыыралаах олорор дьиэни уонна 36 кыбартыыралаах дьиэни эмиэ сыл бүтүөр диэри түмүктээн туттарар санаалаахтар.
Уус Алдаҥҥа Кэптэнигэ элбэх кыбартыыралаах дьиэни тутуу салҕанар. Алтынньыга үлэни түмүктээн туттарар былааннаахтар. Хачыкаакка 20 кыбартыыралаах дьиэни сыл бүтүөр диэри үлэҕэ киллэрэр сорук турар. Баатаҕай Алыытыгар 12 кыбартыыралаах дьиэ тутуллар. Маны таһынан элбэх кыбартыыралаах дьиэлэр Мэҥэ Хаҥаласка, Эдьигээҥҥэ, Ньурбаҕа тутуллаллар.
Сүбэ мунньах түмүгүнэн, өрөспүүбүлүкэ бастакы вице-премьерэ элбэх кыбартыыралаах дьиэлэри кэмигэр үлэҕэ киллэрэргэ сөптөөх дьаһаллары ыларга сорудахтаата.
СӨ Ил Дарханын уонна Бырабыыталыстыбатын пресс-сулууспата
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…