Хаандыгаҕа 250 киһи хаарбах дьиэттэн саҥаҕа көһүөҕэ

Томпо улууһугар Хаандыгаҕа 250 киһи хаарбах дьиэттэн саҥа тутуллубут 98 кыбартыыралаах дьиэҕэ көһүөҕэ.

Бу биэс мэндиэмэннээх 5,4 тыһ. кв. м иэннээх дьиэ «Олорор дьиэ уонна куорат эйгэтэ» национальнай бырайыак чэрчитинэн тутуллан үлэҕэ киирдэ.

РФ Бэрэсидьиэнэ Владимир Путин көҕүлээһининэн хаарбах дьиэттэн көһөрүү бырагыраамата 2019 сыллаахтан олоххо киирбитэ.

СӨ Аҕа баһылыгын уонна Бырабыыталыстыбатын дьаһалтатын пресс-сулууспата иһитиннэрбитинэн, билигин хаарбах дьиэттэн көһөрүү национальнай бырагырааматынан 134 элбэх кыбартыыралаах дьиэ тутуллар.

Бу бырагыраама өйөбүлүнэн 12 тыһыынчаттан тахса киһи олоҕун тупсарда.