Хаар, туман, -57С кыраадыс тымныы

Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр, оттон соҕуруулуу-илин сорох сиринэн хаар түһүөҕэ. Киин улуустарга туманнаах.

Салгын температурата түүнүн -42,-47°, хотугулуу-илин, хотугулуу-арҕаа -47,-52°, намыһах сирдэргэ -52,-57°, соҕуруу -32,-37°, соҕуруулуу-арҕаа -25,-30°. Күнүһүн -39,-44°, хотугулуу-илин, хотугулуу-арҕаа -44,-49°, намыһах сирдэргэ -49,-54°, илин, Халымаҕа -32,-37°, соҕуруу, соҕуруулуу-арҕаа -22,-27° кыраадыс тымныы.

Дьокуускайга салгын температурата түүнүн -42-44°, күнүһүн -39-41°. Кыралаан хаардыыр, туманнаах. Тыал хотугулуу-арҕааттан сөкүүндэҕэ 1-3 м түргэннээх.