ХААРТЫСКА: Дьокуускайга өссө биир хаар моҕой оҥоһулунна

Дьокуускайга Үөрэх үлэһиттэрин квалификацияларын үрдэтэр институт (ИРОиПК) дьиэтин таһыгар остуоруйаҕа кэпсэнэр уотунан тыынар моҕойу хаарынан оҥорон туруордулар.

Кэлэр 2024 сыл бэлиэтин — Күөх Моҕойу тэрилтэ бэтэрээнэ Василий Михайлович Григорьев оҥорбут. Кини үлэлээбит дьиэтин таһыгар сыл бэлиэтин көтүппэккэ хаарынан оҥорор үтүө үгэстээҕин институт үлэһиттэрэ үөрэ үллэһиннилэр уонна Василий Михайловичка махтаналлар.