Хаһааччыйаҕа саҥа модульнай быраас амбулаторията үлэҕэ киириэҕэ

«Биир ньыгыл Арассыыйа» баартыйа «Здоровое будущее» аһымал бырайыагынан тыа сирин олохтоохторо мэдиссиинэ өҥөтүнэн миэстэтигэр хааччыллар буоллулар диэн «Биир ньыгыл Арассыыйа» баартыйа Саха сиринээҕи салаата иһитиннэрэр.

Усуйаана улууһун Хаһааччыйа нэһилиэгэр модульнай быраас амбулаторията тутуллан бүттэ.

Технологическай уонна уот ситимҥэ холбонно.  Бүгүҥҥү күҥҥэ эбийиэги киин ититэр систиэмэҕэ холбуур үлэ барар.

Былаан быһыытынан бу күннэргэ Дьокуускай куораттан исписэлиистэр тиийэн итиини холбуохтара.

Техническэй тэрээһиннэр бүттэхтэринэ, амбулатория нэһилиэк олохтоохторугар мэдиссиинэ көмөтүн толору оҥорон саҕалыа.