Хаһаайыннаах ыттар дьоҥҥо-сэргэҕэ саба түһүүлэрэ бу сайыҥҥы үс ый иһигэр биллэ элбээбит.
Былырыыҥҥы дааннайынан, Бэтэринээрийэ департаменыгар быраабы араҥаччылыыр уорганнартан, бэс ыйын саҥатыттан атырдьах ыйа бүтүөр диэри, Дьокуускайга 80-ча киһи ыкка ытыттарбытын туһунан матырыйаал киирбит. Мантан 34-дэ хаһаайыннаах, 46-та бэйдиэ сылдьар ыттар. Быйыл киин куоракка докумуоҥҥа киирбитинэн 150 түбэлтэ бэлиэтэммит. Мантан 104-дэ хаһаайыннаах, 46-та бэйдиэ сылдьар ыттар.
Бэтэринээрийэ департаменын иниспиэктэрдэрэ быраабы араҥаччылыыр уорганнартан маннык матырыйааллары тутан баран, ыттары тутууга сайаапкалары ыыталлар. Өскөтүн, ыт хаһаайыннааҕа билиннэҕинэ, быраабы араҥаччылыыр уорганнарга ыт хаһаайынын буларга докумуону төттөрү ыыталлар эбит. Бу отчуоттанар кэм устата уопсайа 36 сэрэтэр үлэ ыытыллыбыт.
Бу сылга уопсайа ыты быстах кэмҥэ тутар «Помоги выжить» пууҥҥа 2404 ыт киирбит. Олортон 1459 ыты сайаапканан хомуйан, оттон 945 ыты дьон бэйэлэрэ аҕалан туттарбыттар. 157 ыт хаһаайыттарыгар төннөрүллүбүт. Билигин ыты тутар пууҥҥа 944 ыт баар. Бэлиэтээн эттэххэ, суут быһаарыытынан ыттары көҥүл ыытар бобуллубута. Онон бу сыл устата ыты тутар пуунтан биир даҕаны ыт көҥүл ыытыллыбатах. Ол эрээри ыттар дьоҥҥо саба түһэр түгэннэрэ аҕыйыахтааҕар, өссө элбээбит. Оттон эппиэтинэһэ суох хаһаайыттары кытаанахтык уодьуганныыр туһунан дьаһал хаһан тахсыай?
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…