Халаан уонна баһаар сезонугар бэлэмнэнии үлэтэ түмүктэннэ

Өрөспүүбүлүкэҕэ Арассыыйа ЫБММ Саха сиринээҕи салаатын сүрүн управлениетын киин аппаратын бөлөҕө ыксаллаах быһыыны-майгыны сэрэтэр уонна туоратар биир кэлим судаарыстыбаннай тиһигин (РСЧС) тэрилтэлэрэ халаан уутуттан куттал суох буолуутугар бэлэмнэрин бэрэбиэркэтин түмүктээтэ.

Хамыыһыйа чилиэннэрэ бары муниципальнай тэриллиилэргэ сырыттылар, биир кэлим дьуһуурунай-диспетчер сулууспатын, иһитиннэрэр систиэмэ үлэтин, халааны куттала суох аһарыыга уонна баһаарынай сезоҥҥа бэлэмнэниигэ нэһилиэнньэ олоҕун хааччыйар үлэни тэрийиини уонна онуоха күүстэри-кыахтары бэрэбиэркэлээтилэр диэн ЫБММ Саха сиринээҕи салаатын пресс-сулууспата иһитиннэрэр.

Халаан уутун куттала суох аһарыы тэрээһинин 3 түһүмэҕинэн ыытарга былаанныыллар. Өрүстэр барар кэмнэригэр ыксаллаах быһыыны-майгыны сэрэтэр уонна туоратар биир кэлим судаарыстыбанай тиһигин бөлөхтөрүгэр барыта 16 тыһыынча киһи уонна 3309 тиэхиньикэ үлэлиирэ былааннанар.

Уу таһымын кэтээн көрөргө Күнү-дьылы кэтээн көрөр сулууспа 122 иһитиннэрэр постара туруортуо. Оттон халааҥҥа уонна баһаар сезонугар бэлэмнэнэн ыытыллар үлэлэр былааннаахтык ыытыллаллар.

2024 с. баһаартан сэрэхтээх буолууга бэлэмнэнии чэрчитинэн ойуур баһаарын куттала суох буолуутугар 400-тэн тахса нэһилиэнньэлээх пууҥҥа эрдэттэн бэлэмнэнии үлэтэ барар.