Ааптар хаартыскаҕа түһэриитэ
Быйылгы кыһыммыт уратылардаах буолла. Улаханнык тымныйда, элбэх хаар түстэ, тыалырда, тибии типтэ. Сааспыт хойутаата, билиҥҥэ диэри ириэрэ илик.
Эмискэ уулларан элбэх уу тахсара сабаҕаланар. Онон халаан уутугар бэлэмнээх, сэрэхтээх буолуу ирдэнэр.
Бэҕэһээ, муус устар 11 күнүгэр, Чурапчы улууһун дьаһалтатын мунньахтыыр саалатыгар бу боппуруоска аналлаах мунньах буолла. СӨ нэһилиэнньэ олоҕор куттал суох буолуутун хааччыйар судаарыстыбаннай кэмитиэт салайааччытын бастакы солбуйааччы Иннокентий Андросов салайааччылаах анал хамыыһыйа тэрийэн ыытта. Итиннэ МЧС, Тыа хаһаайыстыбатын министиэристибэтин, мелиорация, транспорт уонна суол хаһаайыстыбатын, экология, о.д.а. хайысхалартан салайааччылар, эппиэттээх үлэһиттэр кыттыыны ыллылар. Улуус дьаһалтатыттан, нэһилиэк баһылыктара, халаан уутун аһарыыга сыһыаннаах тэрилтэлэр салайааччылара, хонтуруоллуур органнартан сырыттылар.
Иннокентий Андросов өрөспүүбүлүкэҕэ халаан уутуттан сэрэниигэ ыытыллар үлэлэр тустарынан билиһиннэрдэ. СӨ Айылҕаны туһаныы уонна ойуур хаһаайыстыбатын Уу сыһыаныгар уонна сырдатар үлэни ыытыыга департаменын салайааччыта Зинаида Васильева, синоптик Тарас Тарасов, Мелиорация управлениетын салайааччытын бастакы солбуйааччы Михаил Лоскин, Чурапчы улууһун баһылыгын бастакы солбуйааччы Егор Сивцев иһитиннэрии оҥордулар. Элбэх ыйытыыга хоруйдаатылар.
Чурапчы улууһун нэһилиэктэрин баһылыктара — Болугуртан Руслан Васильев, Чурапчы нэһилиэгиттэн Владимир Сивцев, Одьулуунтан Людмила Ефремова, Соловьевтан Василий Хомподоев бэлэмнэнии үлэлэри тэрийиилэрин билиһиннэрдилэр. Улуус баһылыга Степан Саргыдаев халаантан сэрэхтээх буолууга бэлэмнэнии былааннаахтык барарын эттэ, сорох боппуруостарга өрөспүүбүлүкэ салалтата көмөлөһөрүгэр туруоруста. Хас биирдиибит халаан уутуттан сэрэхтээх буолуоҕун!
Алексей Слепцов,
Чурапчы.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…