Хаартыска: sakha.gov.ru саайтан
Быйыл сааскы халаан түмүгэр дьиэлэрэ-уоттара эмсэҕэлээбит 745 ыалга хоромньуларын төлүүргэ 985 мөлүйүөн солкуобай көрүллүөҕэ, диэн Ил Дархан Айсен Николаев иһитиннэрдэ.
Итинтэн 655 мөлүйүөнтэн тахса солкуобай РФ Бырабыыталыстыбатын резервнай пуондатыттан көрүлүннэ — бу күннэргэ миниистирдэр кэбиниэттэрин тустаах дьаһала тахсыбыта. Оттон өрөспүүбүлүкэ бүддьүөтүттэн 330 мөлүйүөнтэн тахса солкуобай көрүллүөҕэ.
“Халаан түмүгэр дьиэлэриттэн маппыт эбэтэр дьиэлэрэ эмсэҕэлээбит Саха сирин олохтоохторугар социальнай көмөнү оҥорорго резервнай пуондаттан быйыл 655,372 мөл солк. көрөр туһунан РФ Бырабыыталыстыбатын дьаһала таҕыста. Өрөспүүбүлүкэ бииргэ үбүлээһин быһыытынан 330,289 мөлүйүөн солкуобайы көрүөҕэ», — диэн Айсен Николаев иһитиннэрдэ.
Үп-харчы суох буолбут дьиэ оннугар саҥа дьиэни атыылаһыыга эбэтэр тутууга, ону тэҥэ эмсэҕэлээбит дьиэлэргэ хапытаалынай өрөмүөнү оҥорууга барыаҕа. СӨ Тутуу министиэристибэтин көрдөрүүтүнэн 4 026,2 м2 уопсай иэннээх 94 олорор дьиэ чөлүгэр түһэриллибэтинэн ааҕыллыбыта, оттон 47 907,7 м2 иэннээх 651 дьиэ — эмсэҕэлээбитинэн.
Билиҥҥи туругунан, 292 олорор дьиэҕэ өрөмүөн үлэтэ түмүктэннэ, 103 дьиэҕэ салҕанар. 256 ыал төлөбүрү кэтэһэн олорор.
Чөлүгэр түһэриллибэт дьиэлэр оннуларыгар 20 дьиэни тутууга дуогабардар түһэрсиллибиттэр, ол иһигэр 2024 сыл бүтүөр диэри төлөнүөхтээх дуогабарынан 9 дьиэ тутуллан бүппүт, 11 олорор дьиэ тутулла турар. Оттон дьиэтэ суох хаалбыт 74 ыал төлөбүрдэрин дьиэ атыылаһарга туһанар былааннаахтар, диэн иһитиннэрэр Ил Дархан, бырабыыталыстыба пресс-сулууспата.
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…
2517 ыал оҕо уһуйааннарыгар оҕону көрүүгэ-истиигэ төрөппүт төлөбүрүттэн босхолоннулар. Бу туһунан брифинг кэмигэр Саха Өрөспүүбүлүкэтин…
Өрөспүүбүлүкэ быйылгы сыллааҕы бүддьүөтүгэр улуус иһинээҕи көтөр аалынан сырыылары субсидиялыырга эбии 24,4 мөл. солкуобай көрүлүннэ.…
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…