«Халыма» айан суолугар куттал суох буолуутун үөрэҕэ ыытылынна

Томпо улууһугар  «Халыма» айан суолун Р-504 учаастагар куттала уонна мэһэйэ суох сырыыны хааччыйар үөрэхтэр ыытылыннылар диэн СӨ баһаары утары судаарыстыбаннай сулууспата иһитиннэрэр.

Тэрээһини «Бүлүү» ФКУ суол салалтата, Ыксаллаах быһыыга-майгыга министиэристибэ, СӨ Гражданскай оборона уонна нэһилиэнньэ олоҕун куттала суох буолуутун хааччыйар министиэристибэтэ уонна СӨ Тырааныспар уонна суол хаһаайыстыбатын министиэристибэтэ тэрийэн ыыттылар.

Онно Арассыыйа ИДьМ Саха сиринээҕи судаарыстыбаннай автоинспекцията, Суһал мэдиссиинэ көмөтүн сулууспата, суол сулууспалара уонна муниципальнай тэриллиилэр кытыннылар. Ону тэҥэ үөрэхтэргэ Томпо улууһунааҕы 33-с №-дээх судаарыстыбаннай баһаарынай сулууспа отделын үлэһиттэрэ кытыннылар.

Үөрэх сүрүн сыалынан кыһыҥҥы кэмҥэ суолга тахсыан сөптөөх ыксаллаах быһыыга-майгыга эппиэттииргэ бары сулууспалар сатабыллаахтык бары бииргэ үлэлээһинэрин бэрэбиэркэлээһин уонна таһымнарын үрдэтии буолар. Бу айан суолларыгар куттал суох буолуутун хаачыйыа.