«Халыма» трассаҕа биэс сиринэн сырдатыы үлэтин ыыттылар

Саха сиригэр «Халыма» Р-504 федеральнай суол биэс учаастагар барыта холбоон 13,9 км усталаах сырдатыы үлэтин ыыттылар. Бу туһунан «Бүлүү» суол управлениета иһитиннэрэр.

Тэрилтэ пресс-сулууспата иһитиннэрэринэн, Аллараа Бэстээххэ (5,6 км), Чурапчыга (0,4 км), 2-с Харбалаҕа (1,5 км), Хаандыгаҕа (4,5 км) уонна Теплай Ключка (1,9 км)  светодиоднай светильниктээх 478 тирэҕи туруорбуттар.

Сырдатыы устройствота хараҥа кэмҥэ суол саахалын аччатыаҕа уонна айан усулуобуйатын тупсарыаҕа.