2023 сылтан хат дьахталларга босуобуйа кээмэйэ улаатыахтаах диэн бэрэсидьиэн Владимир Путин эттэ. Тохсунньу 1 күнүттэн ийэлэри, оҕолору өйүүр систиэмэ уларыйар. Оҕо 17 сааһыгар диэри уонна хат дьахталларга биир “универсальнай” босуобуйа төлөнөр буолар.
— Бу биир “универсальнай” босуобуйа хат дьахтар, эбэтэр, төрөппүттэр биир сайабылыанньаларынан бэриллэр буолуоҕа. Хат дьахталларга босуобуйа кээмэйэ үлэһит киһиэхэ анаммыт тиийинэн олоруу алын кээмэйигэр тэҥнэһиэ (билигин босуобуйа тиийинэн олоруу алын кээмэйин аҥаарын саҕа суумалаах), — диэн Владимир Путин Национальнай бырайыактарга уонна стратегическай сайдыыга сэбиэт мунньаҕар эттэ.
Босуобуйаны оҥорторуу, ылыы хаамыыта олус судургу, өйдөнүмтүө уонна табыгастаах буолуохтаах диэн кини тоһоҕолоон бэлиэтээтэ. Бу босуобуйа оҕолоох дьиэ кэргэттэргэ улахан көмө буолуохтаах.
Санатар буоллахха, “универсальнай” босуобуйа кээмэйэ эрэгийиэҥҥэ олохтоммут тиийинэн олоруу алын кээмэйин 50%-гар, 75%-гар уонна 100%-гар тэҥнэһэр. Оттон бу кээмэйдэрэ хайдах анананаллара дьиэ кэргэн дохуотуттан тутулуктаах. Саамай кыра дохуоттаах ыал 100%-нын ылар.
2022 сылга өрөспүүбүлүкэҕэ олохтоммут оҕолорго анаммыт тиийинэн олоруу алын кээмэйэ 2-с зонаҕа – 21 403 солкуобайга тэҥнэһэр.
Саха сиригэр 2024 сылга национальнай бырайыактар чэрчилэринэн 79 социальнай эбийиэк тутуллуохтаах. Бу хаһааҥҥытааҕар даҕаны элбэх.…
Саха Өрөспүүбүлүкэтин күнүн түмүктүүр тэрээһин Опера уонна балет тыйаатырыгар ыытылынна. Арассыыйа уонна Саха сирин өрөгөй…
Дьокуускай куорат 1-кы нүөмэрдээх оскуолатын бастакы сыбаайатын түһэрии үөрүүлээх тэрээһинэ Өрөспүүбүлүкэ күнүгэр сөп түбэспитинэн бэлиэ…
Кулун тутар уонна муус устар ыйдарга Улан-Батор куоракка Монгол цииркэтин сайыннарар киин 10 сыллаах үбүлүөйүн…
Бүгүн, муус устар 27 күнүгэр, Ил Дархан АЙсен Николаев Российскай Федерация уонна Саха Өрөспүүбүлүкэтин судаарыстыбаннай…
Өрөспүүбүлүкэ күнүнэн СӨ Бырабыыталыстыбатын бэрэссэдээтэлин солбуйааччы Анатолий Семенов биллиилээх бэлитиичэскэй диэйэтэл Илья Егорович Винокуров пааматынньыгар…