Нам улууһугар Хатыҥ Арыы нэһилиэгэр (Аппааны) аныгы үйэ ирдэбилигэр эппиэттиир бэртээхэй воркаут зоналаах киин тутулла турар. Бу дьон-сэргэ, оҕо-уруу сөбүлээн сылдьар, дуоһуйа сынньанар сирдэрэ буолуоҕар олохтоохтор эрэнэллэр.
Тутуу «Уһук Илиҥҥэ 1000 тиэргэн» бырагыраама иитинэн ыытыллар.
Нэһилиэк дьаһалтатын бырайыактыыр салаатын исписэлииһэ Владимир Соловьев: «Бу уолан эрэр күөл түгэҕэ бүтүннүү ыраастанан, толору ыраас уу куттарыллыбыта. Онон быйыл кыһын хатааһылыырга бэртээхэй каток буолуоҕа. Оттон сайынын манна фонтан үлэлиэ, сынньана кэлбит дьон тыынан устуохтара. Сибиэһэй салгыҥҥа астына-дуоһуйа сэһэргэһэргэ табыгастаах, бэртээхэй ыскамыайкалар туруоруллуохтара. Оҕолор оонньуур былаһааккаланыахтара, сүүрэр-көтөр сирдэниэхтэрэ, хачыаллыахтара. Ыччаттар ролигынан хатааһылыахтара, доруобуйаларын чэбдигирдиниэхтэрэ, физкултууранан дьарыктаныахтара. Биллэн турар, манна оонньуу арааһа тэриллэн ыытыллар буолуоҕа. Бэдэрээччит бэйэбит уолбут, урбаанньыт Владислав Соловьев нэһилиэгин дьонун-сэргэтин туһугар бары кыһамньытын уурар», — диэн иһитиннэрдэ.
Ити курдук, нэһилиэк ортотугар турар Мавра күөлүн таһа уотунан-күөһүнэн сандаарыа, күрүө-хаһаа ситиэ-хотуо. Дьон-сэргэ баҕа санаалара олоххо киирэрин долгуйа, эрэнэ кэтэһэр.
Хаартыскалар нэһилиэк дьаһалтатын тиксэриилэрэ.
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…