Хаартыска: СИА.
Хотугулуу-Илиҥҥи федеральнай университет орто анал үөрэххэ, бакалавриакка, специалитекка туттарсар абитуриеннартан докумуоннары бэс ыйын 20 күнүттэн ылар. Быйыл үөрэх күнүскү көрүҥэр 574 миэстэ көрүлүннэ, кэтэхтэн – 85, күнүскү-кэтэхтэн үөрэххэ – икки.
Федеральнай уонна өрөспүүбүлүкэтээҕи судаарыстыбаннай былаас уорганнарын, судаарыстыбаннай корпорациялары, судаарыстыбаннай уонна муниципальнай, о.д.а. тэрилтэлэри кытта дуогабар түһэрсиэххэ сөп диэн ХИФУ киин тутар хамыыһыйата иһитиннэрэр.
“Тус сыаллаах үөрэххэ ыытар тэрилтэни булуунан, талыынан үөрэххэ туттарсааччы эбэтэр кинилэр сокуоннай бэрэстэбиитэллэрэ бэйэлэрэ дьарыктаналлар”, — диэн үрдүк үөрэххэ бэлиэтииллэр. Холобур, математика уонна информатика институтугар тус сыаллаах үөрэххэ туттарсааччыларга 40 кубуота көрүллүбүт, ол иһигэр СӨ Үөрэҕин уонна билимин министиэристибэтин, Федеральнай казначействоны кытта дуогабар түһэрсиэххэ сөп.
Ордук элбэх кубуота мэдиссиинэ институтугар – “эмчит дьыалата” исписээлинэскэ 115 тус сыаллаах миэстэни сакаасчыттар уонна үлэ биэрээччилэр көрүөхтэрин сөп: СӨ Доруобуйатын харыстабылын министиэристибэтэ, “Федеральнай медико-биологическай ааҕыныстыба Уһук-Илин уокуруктааҕы мэдиссиинэ киинэ” доруобуйа харыстабылын Дьокуускайдааҕы балыыһата, эрэгийиэннээҕи медико-социальнай эспэртиисэ кылаабынай бүрүөтэ, Саха сиринээҕи накаастабылы толорор федеральнай сулууспа управлениета.
ХИФУ педагогикаҕа институтун бүтэрэр Анастасия Васильева Горнай улууһун дьаһалтатын кытта тус сыаллаах үөрэххэ дуогабар түһэрсэн үрдүк үөрэххэ киирбит. “Мин үөрэхпин бүтэрдэхпинэ бэйэм дойдубар үлэлиир туһунан хара маҥнайгыттан быһаарыммытым. “Алын уонна эбии үөрэхтээһин” исписээлинэһи бүтэрдим, билиҥҥитэ уопутум суох, ол эрээри, оскуолаҕа үлэлиэхпин баҕарабын”, — диэн санаатын үллэһиннэ.
Итини тэҥэ, тус сыаллаах дуогабары обороннай-бырамыысыланнай комплекс тэрилтэтин испииһэгэр киирбит тэрилтэлэри, Арассыыйа Федерациятыттан, дойду субъегыттан эбэтэр муниципальнай тэриллииттэн өлүүлээх хаһаайыстыбаннай уопсастыбалары, акциялара судаарыстыбаннай корпорация бас билиитигэр эбэтэр итэҕэллээх салайыытыгар баар аахсыйалаах уопсастыбалары кытта дуогабар түһэрсиэххэ сөп.
Университет тус сыаллаах үөрэҕэр типовой дуогабар холобурун, хайысхаларынан хас миэстэ көрүллэрин, үөрэххэ ылыы быраабылатын туһунан ХИФУ киин тутар хамыыһыйатын саайтыгар көрүҥ.
ХИФУ пресс-сулууспата.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Андрей Георгиевич Турантаев (17.10.1915 с-18.09.2005 с.) - СӨ култууратын үтүөлээх үлэһитэ, Аҕа дойду Улуу сэриитин…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…