Хаартыска: ХИФУ.
“Роснефть НХ” ПАУо анал истипиэндьийэтэ Хотугулуу-Илиҥҥи федеральнай университет икки устудьуонугар – геологоразведочнай бакылтыаттан Родион Васильевка уонна Валентин Егоровка, айылҕа үөрэҕин билимин институтун магистраныгар Николай Сивцевкэ ананна. Истипиэндьийэ кээмэйэ 30 тыһ. солк.
Валентин Егоров “ньиэп, гаас технологиялара” хайысхаҕа бэһис кууруска үөрэнэр, ону тэҥэ, билиминэн дьарыктанар, уустук усулуобуйаҕа хас даҕаны хостуур сир скважинатын (бурение многозабойных скважин) үүттээһинин чинчийэр. “Үлэбэр үгүс сыллаах тоҥ сир буурдааһыҥҥа сабыдыалын, көннөрү усулуобуйаҕа скважинаны буурдааһын уратытын, буурдааһыҥҥа хайа боруодата уратытын уонна сылыйыытын эрдэттэн туоратыы ньымаларын көрөбүн. “Роснефть НХ” истипиэндьийэтин былырыын эмиэ ылбытым. Бу мин салгыы өссө умсугуйан үөрэнэрбэр көҕүлүүр. Хампаанньа устудьуоннары анал истипиэндьийэ көрөн өйүүрэ үөрүүлээх”, —диэн устудьуон этэр.
Үһүс куурус устудьуона Родион Васильев маннык истипиэндьийэни аан маҥнай ылбытын иһитиннэрэр. “Роснефть НХ” үлэҕэ киирэр толкуйдаахпын, истипиэндьийэ манна улахан көмөлөөх буолуоҕа дии саныыбын. Бу ньиэп, гаас салаатын бары өттүнэн сайыннарарга уонна эдэр каадырдары үлэҕэ ылыыга хампаанньа өттүттэн үчүгэй холобур”, — диэн устудьуон бэлиэтиир.
Николай Сивцев исписээлинэһинэн эмиэ ньиэп хампаанньатыгар үлэҕэ киириэн баҕарарын биллэрэр. Кини айылҕа үөрэҕин институтугар “техносфернай куттал суох буолуута” хайысхаҕа үөрэнэр. “Талан ылбыт исписээлинэһим ирдэнэр уонна бэйэм сөбүлүүр буоламмын магистратураҕа салгыы үөрэнэргэ быһаарыммытым”, — диэн этэр. Бу туһунан ХИФУ пресс-сулууспата суруйар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…