Виктория Сергеева хаартыската, ЯСИА.
Бүгүн СӨ Борокуратууратын үлэһиттэрэ ХИФУ Үөрэҕин сэбиэтин мунньаҕар университет үлэһиттэригэр информационнай технологияны туһанан оҥоһуллар түөкүннээһини сэрэтии туһунан иһитиннэрии оҥордулар.
Бу туһунан СӨ Борокуратуурата иһитиннэрэр. Быйылгы 2024 сыл ааспыт ыйдарын устата өрөспүүбүлүкэҕэ төлөпүөнүнэн түөкүннээһин 1,4 тыһыынчаттан тахса түбэлтэтэ бэлиэтэммитэ, онтон 730 мөлүйүөн солкуобайтан тахса хоромньу оҥоһуллубута бэлиэтэннэ.
Холуобунай дьыалалары ырытыы көрдөрбүтүнэн, маннык буруйу оҥоруу сиэртибэлэринэн аҕам саастаахтар эрэ буолбакка, эдэр уонна орто саастаах, үлэлиир дьон, ол иһигэр үөрэх үлэһиттэрэ, ону тэҥэ араас үөрэх кыһаларын устудьуоннара буолаллар.
Аны туран албыннаппыт дьон үгүстэрэ итинник төлөпүөнүнэн түөкүннээччилэр баалларын туһунан көрдөрөр-иһитиннэрэр сириэстибэлэртэн билэллэр эбит, ол гынан баран чопчу кинилэргэ түбэһиэм дии санаабаттар.
Үөрэх Сэбиэтин мунньаҕын кэмигэр үбү-харчыны ыраахтан олорон уоруу, түөкүннээһин саамай тарҕаммыт ньыма буоларыгар уонна ону утары охсуһуу ньымаларыгар сүрүн болҕомто уурулунна.
Маннык көрсүһүү быйыл ахсынньыга университет устудьуоннарын кытта ыытыллара былааннанар.
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…
Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…
Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт,…
Бүлүү улууһун урбаанньыттара элбэх оҕолоох ыалларга, анал байыаннай эпэрээссийэ кыттыылаахтарын оҕолоругар Саҥа дьыллааҕы бэлэхтэри туттарар…
Ахсынньы 28 күнүгэр олохтоох бириэмэнэн 22:18 чааска «Восточнай» космодромтан «Союз-2.1б» аракыата көтөн, тобохторо Саха сирин…
Дьокуускай куоракка оперативниктар таҥаһы-сабы атыылыыр туһунан сымыйа биллэриини таһааран түөкүннээһиҥҥэ уорбаланар киһини туттулар. Ол курдук…