Хортуон дьааһыгы үрдүнэн ааһан…

Сэттэ саастаах кыыһы эчэтиигэ буруйдаах погрузчик суоппарын холуобунай дьыалата суукка ыытыллыбыт.

Дьокуускай куорат борокуратуурата 1972 с.т. киһи холуобунай дьыалатыгар буруйдуур түмүгү бигэргэттэ. Кини РФ Холуобунай Кодексын 264 ыст. 1 ч. буруйданар.

Силиэстийэҕэ биллибитинэн, быйыл атырдьах ыйын 3 күнүгэр, Дьокуускайга фронтальнай грузчигы ыытан иһэр киһи Билибин уулуссатын 17/1 дьиэтин таһынан ааһан иһэн, хортуон дьааһыгы көрбүт. Уонна туораабакка, дьааһыгы үрдүнэн ааспыт. Ол хортуон дьааһык иһигэр икки кыысчаан оонньуу сылдьан киирбиттэр эбит.

Бу түмүгэр  2017 с. төрүөх кыыс түөһүгэр уонна иһигэр эчэйиини ылан, балыыһаҕа киирбит.

Борокуратуура холуобунай дьыаланы суут көрүүтүгэр ыыппыт. Силиэстийэ кэмигэр эчэйбит кыысчаан дьиэ кэргэнигэр буруйдаах киһи хоромньуну төлөөбүт.