Саха сиригэр иэстээхтэр ханнык тимир көлөнү ордук атыылаһаллар эбитий?

2025 сыл саҕаланыаҕыттан Саха сиринээҕи суут бириистэптэрин федеральнай сулууспатын Саха сиринээҕи управлениетын үлэһиттэрэ нолуоктарын, алименнарын уонна кирэдьииттэрин төлөөбөттөрүн иһин Саха сирин олохтоохторуттан 30 тырааныспары былдьаабыттар. Бу туһунан биэдэмистибэ пресс-сулууспата иһитиннэрдэ.

Суут бириистэптэрин автоматизированнай систиэмэтин чахчыларынан, иэстээхтэр ордук «Toyota» мааркалаах тырааныспары былдьаппыттар, ол курдук 30 киһиттэн 18 массыына былдьаммыта барыта «Toyota» мааркалаах.

Иэстээх дьон үксүн билиҥҥи кэмҥэ Toyota Probox, Toyota Succeed уонна Toyota Corolla мааркалаах тимир көлөнү атыылаһаллар эбит. Сэдэх мааркалаах тырааныспардар ортолоругар Toyota Alphard, Mitsubishi Fuso Canter уонна Toyota Camry бааллар эбит.

Былдьаммыт массыыналар эспиэртэр сыанабылын ааһаллар, ол кэнниттэн комиссионнай аукционунан атыыланаллар. Тырааныспар атыыланарын туһунан биллэриилэр Арассыыйа атыы-эргиэн саайтарынан тахсаллар уонна электроннай атыы-эргиэн былаһааккаларынан саҥа хаһаайынын булаллар.