Хаартыска: sakha.gov.ru
Арассыыйа Дьоруойа, хорсун быһыы уордьан кавалера Игорь Юргин «Время героев» дойду Бэрэсидьиэнин бырагырааматын кыттыылааҕа буолла.
Бу туһунан Ил Дархан Айсен Николаев социальнай ситимнэринэн иһитиннэрдэ. Алдан улууһуттан төрүттээх Игорь Юргин анал байыаннай дьайыы саҕаланыаҕыттан дойду үрдүк наҕараадатыгар тиксибит сахалартан бэһис Арассыыйа Дьоруойа буолар.
«Игорь улахан тургутууну ааста. Бырагыраамаҕа 44 тыһыынчаттан тахса сайаапка киирбитэ. Хамыыһыйа хас биирдии кыттааччыны погоннарын, наҕараадаларын, сулустарын ахсаанынан буолбакка, дьиҥнээх уопуттарын, салайар хаачыстыбаларын көрөн сыаналаабыта. Арассыыйа Дьоруойа үрдүк наҕаарааданы ылбыт 79 хандьыдааттан бырагыраама саамай үрдүк таһымыгар 20 эрэ хандьыдаат киирбитэ. Кинилэр ортолоругар биһиги байыаспыт Игорь Юргин! Саха сирэ кининэн киэн туттар! Ситиһиилээх үөрэҕи баҕарабын! Биһиги Дьоруойбутугар итэҕэйэбин!» — диэн Айсен Николаев иһитиннэрдэ.
Сүүмэрдээһини ааһарга эссе суруйуохха, тест ыйытыктарыгар хоруйдуохха наада. «Время героев» бырагыырама судаарыстыбаннай уонна муниципальнай былаас уорганнарыгар үрдүк квалификациялаах салайааччылары бэлэмнээһиҥҥэ, ону тэҥэ судаарыстыбаннай хампаанньаларга үлэлииллэригэр туһуланар. Кыттааччыларга салайыы аныгы ньымаларын уонна аныгы технологиялары, хамаанда үлэтигэр үөрэтиэхтэрэ, лиичинэс сайдарыгар туһунан бириэмэ аныахтара.
Анал байыаннай дьайыы кыттыылаахтарыгар анаан сайыннарыы бырагыраамата дойду Бэрэсидьиэнэ Владимир Путин сорудаҕынан, РАНХиГС судаарыстыбаннай управлениетын Үрдүкү оскуолатын «Сенеж» мастарыскыайын баазатыгар олоххо киллэриллэр.
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…
Ааспыт нэдиэлэҕэ Саха сиринээҕи Росгвардия нарядтара 152 иһитиннэриинэн тахсан, быраабы кэһиигэ уорбаланар 93 гражданины туппуттар.…
СӨ Бырабыыталыстыбатын Бэрэссэдээтэлин бастакы солбуйааччыта Дьулустаан Борисов «РФ судаарыстыбаннай уонна муниципальнай хонтуруол туһунан» федеральнай сокуону…