Төрөппүттэр ийэ хапытаалын сууматыттан улахан аҥаарын ороскуоттаабыттарын кэннэ, счетка кыра суума ордон хаалыан сөп. Урут бу ордубут харчыны туһанар кыах суох этэ.
Бу сыл атырдьах ыйын 8 күнүгэр Бэрэсидьиэн ийэ хапытаалыттан ордубут харчыны ылан туһанарга федеральнай сокуоҥҥа илии баттаабыта. Ити курдук, холобур билигин 10 тыһ. солк. диэри харчы ордубут буоллаҕына, дьиэ кэргэн сайабылыанньатынан бу ыйтан төлүөхтэрэ диэн РФ Үлэҕэ уонна социальнай көмүскэлгэ миниистирэ Антон Котяков иһитиннэрдэ. Миниистир этэринэн, ордубут харчыны биэрии сотору кэминэн саҕаланыа. «Биһиги бу сыалга тиэхиньиичэскэй өттүнэн бэлэмнээхпит», — диир миниистир. Төлөбүр бэрээдэгин бигэргэтэр туһунан докумуон бырайыага сөбүлэһиини ааспыт уонна сотору кэминэн Бырабыыталыстыба бэрэссэдээтэлэ илии баттыахтаах.
Үлэ министиэристибэтин чахчыларынан, бу кыаҕынан дойду үрдүнэн 730 тыһ.тахса ыал туһаныан сөп. 10 тыһыынча солкуобайтан намыһах ордубут харчылаах төрөппүттэр аадырыстарыгар «Госуслуги» портал нөҥүө иһитиннэрии кэлиэҕэ. Ону кытта баан счетун ыйарга анаммыт сайабылыанньа тутуохтара. Саҥа киирбит уларыйыынан ийэ хапытаалын счеттарыгар хаайтаран сыппыт 1,5 миллиард солкуобай кэриҥэ үп-харчы түҥэтиллиэҕэ. «Төрөппүттэр харчыны бэйэлэрин баҕаларынан хайдах баҕарар, ол иһигэр олох-дьаһах кыһалҕатыгар туһаныахтарын сөп», — диэн миниистир быһаарда.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…