Дьааҥы улууһун Арыылаах нэһилиэгэр «Арассыыйа ийэлэрэ» уопсастыбаннай тэрилтэни 2016 сыллаахтан иилээн-саҕалаан үлэлэтэр Бурнашева Наталья Софроновна байыаннай эпэрээссийэҕэ инники кирбиигэ сылдьар буойуттарга нэһилиэги, тэрилтэлэри таһынан, биирдиилээн дьон, ол иһигэр бэйэтэ, үтүө баҕаларынан, сатыылларынан, кыайалларынан көмө оҥоро туралларын туһунан «Саха сирэ» саайтка анаан кэпсээтэ.
— Биһиги ийэлэр буойун уолаттарбытыгар анаан маскировочнай сиэккэни оҥорон, олохтоох дьаһалтаҕа илдьэн туттарбыппыт. Маны таһынан биирдиилээн дьоммут ким тугу сатыырынан көмө оҥорорго кыһаллар. Ол курдук, мин эмиэ көмө оҥорор баҕа санаалаах сылдьаммын урут ийэм Ефимова Дария Степановна Аҕа дойду сэриитин кэмигэр куобах тириитинэн сылаас таҥас тигэн, фроҥҥа ыытар этибит диэн кэпсиирин санаан кэлбитим. Ийэбинэн киэн туттар санаам өйбөр куруук баар.
Бу байыаннай дьайыы саҕаламмытыгар буойуттарбытыгар тугунан эрэ көмөлөспүт киһи диэн санаа күүскэ үөскээбитэ. Нэһилиэгим ийэлэригэр ыҥырыы ыытан, Саҥа Дьыл иннинэ флис матырыйаалтан 10 комплект таҥас тигэн улууспут киинигэр ыытан туттарбыппыт. Онтон «Саха» НКИК Саввина Ирина Семеновна «Илии сылааһа» диэн иистэнэр сыах арыйбытын истибитим. Дьокуускайга бардахпына, хайаан да сылдьан көмөлөһөр санаа күүскэ киирбитэ. Ол курдук, Дьокуускайга тиийэн Джерзинского 76, блок С аадырыска иис үлэтигэр көмөлөһө тиийбитим. Онно иистэнэ олорон илэ харахпынан көрбүтүм, билбитим — төһөлөөх элбэх оҕо, эдэр дьон бу сыахтан кэтэһэн, манаһан туран таҥнан баралларын, хайдах курдук иистэнэр илии тиийбэтин!
Дойдубар кэлэн баран, саатар, футболка тигэн ыытан көмөлөһүөххэ диэммин, матырыйаалын сакаастаан ылларан, аҕалтаран, билиҥҥитэ аҕыйах устууканы тигэн ыыттым. Өссө да кыахпынан тигэн, ыытыам диэн баҕа санаалаахпын. Бука бары биир киһи курдук, кыайыы, эйэлээх олох туһугар кыах баарын тухары көмөлөһүөҕүҥ, өйүөҕүҥ!
Хаартыскалар Наталья Бурнашева архыыбыттан
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…
Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр. Бырабыыталыстыба бэрэссэдээтэлэ Кирилл Бычков…
Сыл аайы ыытыллар Илиҥҥи экэнэмиичэскэй пуорум 2026 сыл балаҕан ыйын 1-4 күннэригэр Владивостокка ыытыллыаҕа. РФ…
Үөһээ Бүлүү улууһугар ыытылла турар “Барахов ааҕыылара” үс бүк өрөгөйдөөх. Ол курдук, И.Н.Барахов аатынан 1-кы…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина олунньу 12 күнүгэр Бэчинчэҕэ судаарыстыбаннай былаас ситэриилээх уорганын…