Дьокуускайга икки оҕо аҕата алимены төлөөбөтөҕүнэн 10 хонукка хаайыллыбыт

Киин куорат 34 саастаах олохтооҕо, икки кыыс оҕо аҕата, суут быһаарыытынан ый ахсын 15 тыһыынча солкуобайдаах алимены төлүүр эбээһинэстэммит.

Ол гынан баран,  суут бириистэбэр эр киһи сөптөөх үп-харчы үөрэҕэ суоҕунан алимены төлөөбөтөҕүн туһунан быһаарбыт. Эр киһиэхэ убаастабыллаах биричиинэтэ суох алимены төлөөбөтөҕүнэн, административнай боротокуол оҥоһуллубут. Суут быһаарыытынан эр киһи 10 суукка болдьоххо хаайыллыбыт.

Ити кэннэ 10 хонук устата хаайыга олорбут икки кыыс оҕо аҕата 550 тыһ.солк. суумалаах алимеҥҥа иэһин толору кээмэйинэн төлөөбүт, диэн Саха сиринээҕи Суут бириистэптэрин пресс-сулууспата суруйар.