Хаартыска: СӨ бырабыыталыстыбатын, Ил Дархан пресс-сулууспата.
Бу туһунан Саха сирин Бастайааннай бэрэстэбиитэлэ, Биир кэлим сүрүннүүр киин салайааччыта Андрей Федотов брифинг кэмигэр иһитиннэрдэ.
— Бу биһиги оҥорон таһаарааччыларбыт байыастар туохха наадыйалларын билэн, оҥоро охсоллорун холобура буолар. Ил Дархан соторутааҕыта байыаннай дьайыы буола турар сиригэр бара сылдьан, “Боотур” этэрээккэ 4 квадроциклы биэрбитэ. Билигин бу тиэхиньикэ бойобуой сүрэхтэниитин бара сылдьар. Түргэн, бадараантан иҥнибэт, сымса диэн байыастар хайҕаатылар. Онон Айсен Николаев 50 квадроциклы оҥорорго сакаас биэрдэ. Бу “Хоту тент” хампаанньа антах биһирэммит, тарҕаммыт бородууксуйатыгар эбии буолуоҕа, — диэн Андрей Федотов бэлиэтээтэ.
Биир кэлим сүрүннүүр киин кэнники кэмҥэ байыастар сөмөлүөтүнэн көтөн кэлэр билиэттэрин булан биэрэр үлэни толорбут.
— Хас биирдии байыас уоппускаҕа кэлэригэр хас биирдии күнэ күндү. Онон Тырааныспар министиэристибэтин кытта «Якутия»», «АЛРОСА», «Полярные авиалинии»хампаанньаларыгар сүбэ мунньах тэрийбиппит. Байыаннай дьайыы кыттыылаахтара уоппускаҕа, эмтэнэ кэлэллэригэр-баралларыгар билиэккэ квота киллэрдибит, — диэн кини эттэ.
Киин 2023 сылга Ростов-на-Дону куоракка баар 1602-с байыаннай госпиталы уонна Бурденко аатынан кылаабынай байыаннай госпиталы кытта бииргэ үлэлииргэ сөбүлэһии түһэрсибит.
Сотору кэминэн Санкт-Петербурга С.Киров аатынан Байыаннай-мэдиссиинискэй академияны кытта сөбүлэһии түһэрсиэхтээхтэр. Бу Биир кэлим сүрүннүүр киин уонна балыыһалар үлэһиттэрэ биир сүрүннээхтик үлэлииллэрин, биһиги уолаттарбытыгар көмө бары өттүнэн оҥоһулларыгар, волонтердар, психологтар көмөлөрүн сүрүннүүргэ, ас, эмп таһарга, о.д.а. туһалаах.
СӨ бырабыыталыстыбатын, Ил Дархан пресс-сулууспата.
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…
Нассынаалынай байыаннай оскуоланы бүтэрбит сержант Семен Петрович Жирков төрөөбүт-үөскээбит Намыгар тахсан 1939-1941 сылларга байыаннай остуол…
Арыгы организмҥа буортутун бары билэр курдукпут. Бу аһыы утах элбэх уорганы сүһүрдэриттэн чуолаан сүрэх үлэтигэр…
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Халлаан тымныйан, биһиги курдук дьон дьиэҕэ хаайтарар кэммит кэллэ. Хаарыан өрөбүлүм таах хаалаары гынна, сырдык…