СӨ Ил Дарханын уонна Бырабыыталыстыбатын пресс-сулууспатын хаартыската
Өрөспүүбүлүкэ Аҕа дойду буойуннарын дьиэ кэргэннэрин кэмитиэтин Саха сиринээҕи салаатын материальнай-техническэй уонна тэрээһин өттүнэн өйүөҕэ. Ол туһунан Ил Дархан Айсен Николаев тэрилтэ актыыбын кытары көсүһүүтүгэр эттэ.
«Эһиги дьиҥнээх эр дьону иитэн таһаарбыт ытыктанар төрөппүттэргит. Биһиги дойдубут кинилэр үтүөлэринэн бүгүн биһиги судаарыстыбабыт көҥүл уонна тутулуга суох буолар бырабын туруулаһар», –диэн эттэ Ил Дархан көрсүһүү кэмигэр.
Байыаннай дьайыылар кыттыылаахтарын – байыаннай сулууспалаахтар төрөппүттэрин кытары истиҥ, көдьүүстээх кэпсэтии буолан ааста.
Көрсүһүү кыттыылаахтара араас боппуруоһу хабан дьүүллэстилэр, ол иһигэр байыаннай-быраас хамыыһыйатын үлэтин, мобилизацияламмыт дьон саҥа төрөөбүт уонна хат кэргэннэрин өйөөһүн, байыаннай дьайыылар кыттыылаахтарын аҕаларын диспансеризациялааһын, волонтердар статустарын үрдэтии туһунан боппуруостар турдулар.
Итини таһынан кэмитиэт бэрэстэбиитэллэрэ байыаннай дьайыылар кыттыылаахтарын орто уонна үрдүк үөрэх тэрилтэлэригэр үөрэнэ киирэллэригэр ураты бэрээдэги олохтуур, Дьокуускай куорат иһигэр уонна кытыытыгар, улуустарга оптуобуһунан айанныырга байыаннайдар дьиэ кэргэннэригэр чэпчэтиилээх төлөбүрү көрөр туһунан эттилэр. Байыаннай сулууспалаахтарга уонна кинилэр дьиэ кэргэннэрин өрөспүүбүлүкэ таһымыгар кэккэ чэпчэтиини киллэрэн, санаторийдарга-куруортарга эмтэнэллэрин, мэдиссиинэ өҥөтүнэн уочарата суох хааччыллалларын көрөр наадатын ыйдылар.
Эрэгийиэннээҕи салаа салайааччыта Светлана Диодорова-Лаврентьева Дьокуускайга лиэксийэлэрин ыыттарарга уонна уопуту атастаһарга анаан байыаннай психологы ыҥырарга эттэ. Маннык практика психологическай көмө көдьүүстээхтик оҥоһулларыгар көмөлөһүө этэ диэн санаатын эттэ кини.
«Эһиги сүдү дьыаланы оҥороро сылдьаҕыт – биһиги оҕолорбут доруобуйалара чөлүгэр түһэригэр, олоххо төннөллөрүгэр уонна кыайалларыгар көмөлөһөҕүт. Байыаннай дьайыылар кыттыылаахтарын өйүүр тэрээһиннэр боппуруостара элбэхтэр. Бүгүн биһиги байыаннай сулууспалаахтарбытын мэдиссиинэ, психология, социальнай чөлүгэр түһэрии хайысхатыгар киэҥ хабааннаах үлэбитин салгыыбыт. Манна эһиги сүбэҕит уонна көҕүлээһиҥҥит ураты сыаналаах. Биһиги эһиэхэ бары өттүнэн көмөлөһүөхпүт» – диэн эрэннэрдэ Айсен Николаев.
СӨ Ил Дарханын уонна Бырабыыталыстыбатын пресс-сулууспата
Дьокуускайга А.Е. Кулаковскай аатынан норуоттар доҕордоһууларын дьиэтигэр СӨ Үтүөлээх үлэһитэ Михаил Сивцев «В танце кружится весна»…
Ыам ыйын 6 күнүгэр Аҕа дойду сэриитигэр Кыайыы 79 сылыгар аналлаах «Этот день мы приближали,…
Саха сирин быраастара Докучаевскайга 500-тэн тахса киһиэхэ мэдиссиинэ көмөтүн оҥордулар. Өрөспүүбүлүкэ сибээһи олохтообут ДНӨ Докучаевскай…
Саха сирин үрдүнэн Улуу Кыайыы 79 сылын көрсө араас тэрээһиннэр ыытыллаллар. Кыайыы күнүн тэрээһиннэрин, мэлдьи…
Бүлүү улууһун Хаҕын нэһилиэгин дьоно-сэргэтэ байыастарга көмөнү оҥорууга көхтөөхтүк кытталлар. Быйыл тэрилтэ үлэһиттэрэ биирдии күннээҕи…
Күн-дьыл туруга бүгүн хайдаҕый? Дьокуускайдааҕы метеосулууспа иһитиннэрэринэн, Халыма-Индигиир оройуоннарыгар сөҥүүтэ суох. Түүнүн Мииринэй, Сунтаар, Ньурба,…