Хаартыска Ил Дархан уонна быырабыыталыстыба пресс-сулууспата
СӨ Ил Дархана Айсен Николаев Петербурдааҕы экэнэмиичэскэй пуорум кэмигэр түһэрсиллибит хантараактар, сөбүлэһиилэр тустарынан KР.RU бэлитиичэскэй ырытааччыта Александр Гамовка кэпсээтэ.
— Айсен Сергеевич, эһиги номнуо хаһыс да сылын Петербурдааҕы экэнэмиичэскэй пуорумҥа кыттаҕыт. Бу сырыыга эһиги Саха сиригэр тугу илдьэ баран эрэҕит?
— Пуорум олус таһаарыылаахтык ааста, биһиги дьоһун суолталаах сөбүлэһиилэри түһэристибит. Ол курдук, олохтоох «Якутия» авиахампаанньаҕа анаан 12 «Туполев» сөмөлүөтү тутууга сөбүлэһии түһэрстибит. Маны таһынан Арассыыйа Сбербаанын бырабылыанньатын бэрэссэдээтэлэ Герман Грефы кытары Дьокуускай куоракка балаҕан ыйыгар ИТ-салаа каадырдарын бэлэмниир оскуоланы аһар туһунан кэпсэттибит.
Уопсайынан экэнэмиичэскэй пуорумҥа биһиги таһаарыылаахтык, дьоһуннук үлэлээтибит. Бу барыта өрөспүүбүлүкэни сайыннарыыга туһалаах эрэ өрүттэрдээх буолуоҕа.
— Онтон дойду Аҕа баһылыга Владимир Путин пуорумҥа этиитин туһунан тугу этиэ этигитий?
— Владимир Владимирович Путин этиитин мин олус сөбүлээтим, сэҥээрдим. Бэрэсидьиэн трибунаттан сувереннай Арассыыйа экэниэмикэтин судаарыстыбаттан өйөбүл туһунан эттэ. Чуолаан Ту-214 сөмөлүөтү өрөспүүбүлүкэҕэ анаан тутуу туһунан сөбүлэһии — бу авиатутааччылары кытары туһааннаах салааны бөҕөргөтүү биир көрүҥэ буолар. Дьоҕус биисинэһи сайыннарыыга элбэх сөптөөх быһаарыныылар ылыллыбыттара. Мин ону олоччу өйүүбүн. Итиэннэ социальнай көҕүлээһиннэр — бу хамнас алын кээмэйин үрдэтиини кытары сибээстээх.
Сиһилии ссылканан киирэн ааҕыҥ:
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…
Саха ыалын сиэрэ-туома. Былыр саҥа төрөөбүт уол оҕону абааһыттан кистээн биһигэр бастаан ыт оҕотун угаллара.…
Уруу-аймах ааттарын төһө билэҕин? Бадьа, биллэх диэн кими ааттыылларый? Саха ыалын халандаарыгар бу туһунан баар.…
Быйыл Өймөкөөҥҥө экстремальнай марафон элбэх ахсааннаах кыттааччынан рекорду олохтуур соруктаах ыытылынна. Ол курдук, былырыыҥҥы тэрээһиҥҥэ…
Саха сиригэр 2025 сылга барыта аҕыс хочуолунай үлэҕэ киллэриллибит. Бу бырайыактары олоххо киллэрии нэһилиэнньэлээх пууннары…
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ…