Ил Дархан Айсен Николаев адмирал Николай Евменовы кытта көрүстэ

Өрөспүүбүлүкэ Ил Дархана Айсен Николаев Байыаннай-Муоратааҕы флот кылаабынай хамаандалааччытын Арассыыйа адмиралын Николай Евменовы кытта көрүстэ.

Ол туһунан кини  бэйэтин ТГ ханаалыгар суруйда. Онно суруйбутунан кинилэр Тиксии бөһүөлэгин уонна Саха сирин Арктика кытылынааҕы сирдэрин сайдыыларын былаанын дьүүллэспиттэр.

-РФ Арктикатааҕы сирин-уотун сайдыытын стратегията уонна 2035 сылга диэри национальнай куттал суох буолуутун хааччыйыыны Арассыыйа Бэрэсидьиэнин Ыйааҕа бигэргэппитэ. Онно олоҕуран, Тиксии бөһүөлэгин кэлимсэ сайыннарыахтаахпыт. Туох-ханнык иннинэ энергетиканы уонна ОДьКХ-ны сайыннарыы ирдэнэр.  Хотугу муора суолунан тырааныспар саҥа инфраструктурата тэриллиэхтээх уонна биллэн турар, дойду оборонатын хааччыйыыны кытта ситимнээх боппуруостар. Биһиги ВМФ кылаабынай хамаандабанньатын уонна өрөспүүбүлүкэ Бырабыыталыстыбатын үөһээ ыйыллыбыт боппуруостарынан бииргэ үлэлээһиннэрин салгыахпыт диэн дуогабардастыбыт , — диэн ТГ суруйда Айсен Николаев.

Сиһилии https://sakha.gov.ru/news/front/view/id/3386524