Ил Дархан Айсен Николаев ЛНӨ оробуочай сырыытыгар өрөспүүбүлүкэттэн байыаннай дьайыыга барбыт «БАРС-2» этэрээт байыастарыгар байыаннай тиэхиньикэлэри туттарда. Ол туһунан Ил Дархан бэйэтин telegram-ханаалыгар иһитиннэрэр.
«Өрөспүүбүлүкэттэн улахан байыаннай тиэхиньикэнэн көмөнү тириэртибит. Бэйэлэрин баҕа өттүлэринэн байыаннай дьайыыга кытта сылдьааччыларга түөрт «Сокол» бырысыаптаах квадроциклы биэрдибит. Бу байыастар баҕа санааларынан учуоттанан оҥоһулуннулар. Кэтээн көрүү уонна сибээс сириэстибэлэрэ, ону таһынан «Хоту Тент» хампаанньа бородууксуйалара уонна эбии экипировка илтибит», – диэн Ил Дархан кэпсээтэ.
«БАРС-2» батальон хамандыырын тыылга солбуйааччыта «Кистень» (позывной) подразделение аатыттан Ил Дархаҥҥа уонна өрөспүүбүлүкэ олохтоохторугар ахсаабат кыһамньыларын, көмөлөрүн, өйөбүллэрин иһин махтанна.
«Бу тиэхиньикэ иһин махтанабыт. Биллэн турар, бу биһиги үлэбитигэр улаханнык көмөлөһүө», – диэтэ комбат солбуйааччыта.
Айсен Николаев оробуочай сырыытын кэмигэр «БАРС-2» этэрээтин байыастарын уонна Тирэх пууннар бэрэстэбиитэллэрин кытары көрүстэ. Байыаннай дьайыылар кыттыылаахтарын кытары материальнай-тэхиньиичэскэй хааччыллыы туһунан боппуруостары дьүүллэстилэр.
СӨ Ил Дарханын уонна Бырабыыталыстыбатын пресс-сулууспата
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…