ЯСИА
Матвей Васильевич Мучин олохтон туораабытын туһунан курус сонуну дириҥ хомолтону кытта иһиттим. Кини 86 сааһыгар күн сириттэн барда.
Биллиилээх судаарыстыбаннай уонна уопсастыбаннай диэйэтэл, өрөспүүбүлүкэ Бастакы Бэрэсидьиэнэ Михаил Ефимович Николаев саамай чугас биир санаалаахтарыттан биирдэстэрэ буолан, кини олоҕун элбэх сылын Саха сиригэр үөрэҕириини сайыннарыыга уонна каадырдары бэлэмнээһиҥҥэ анаабыта.
2021 сыллаахха Матвей Васильевичка «Хотугу сулус» уордьаны туттарбытым. Оччотугар махтанан туран, кини салайбыт департаменын үлэтин түмүгүнэн Арассыыйа уонна тас дойдулар үрдүкү үөрэхтэрин кыһаларыгар үөрэммит тыһыынчанан устудьуоннар тустарынан кэпсээбитэ.
Айылҕаттан айыллыбыт уһуйааччы, педагог буолан, Матвей Васильевич билии күүһүгэр, биһиги ыччаттарбыт дьоҕурдарыгар муҥура суохтук итэҕэйэрэ уонна кинилэр олохторун суолун булалларыгар барытын оҥороро. Миэхэ кини олорон ааспыт олоҕо — дьоҥҥо-сэргэҕэ ис сүрэхтэн кыһамньы уонна төрөөбүт өрөспүүбүлүкэбит инникитин иһин эппиэтинэстээх буолуу чаҕылхай холобура буолар.
Матвей Васильевич кэргэнигэр, оҕолоругар, сиэннэригэр, бар дьонугар уонна чугас аймахтарыгар дириҥ кутурҕаммын тиэрдэбин.
Айсен Николаев, Саха Өрөспүүбүлүкэтин Ил Дархана
Дьокуускайга биир улахан маҕаһыынтан 10 тыһыынча солк. тахса суумалаах аһы-үөлү уорбут эр киһини полиция үлэһиттэрэ…
Саха сирин борокуратуурата ааспыт сууккаҕа өрөспүүбүлүкэ үрдүнэн 3 холуобунай буруй оҥоһуллубутун бэлиэтээтэ. Буруйу оҥоруулары силиэстийэлээһин…
Саха сиригэр өрөспүүбүлүкэ олоҕор-дьаһаҕар ураты суолталаах эбийиэктэри дронтан (БПЛА) көмүскүүр аналлаах мобильнай бөлөхтөргө резервистэри хомуйуу…
Саха сиригэр бу сыл тоҕус ыйын түмүгүнэн баһаартан куттала суох буолууну хааччыйар үлэ хайдах барбытын…
Арассыыйа бэрэсидьиэнэ Владимир Путин Финляндия салайааччыта Александр Стуббу уонна Норвегия премьер-миниистирэ Йонас Гар Стёрены кытта…
Арассыыйаҕа дьон тумуунан ыалдьыбыт көрдөрүүтэ салгыы үрдээн иһэр. Ааспыт нэдиэлэҕэ дойду үрдүнэн 614 тыһыынчаттан тахса…