Салгыы
До выборов президента РФ
00 дней
:
00 часов
:
00 минут
:
00 секунд
Ил Дархан Айсен Николаев Эдьигээн оҕолорун кытта көрүстэ

Ил Дархан Айсен Николаев Эдьигээн оҕолорун кытта көрүстэ

09.02.2024, 19:14
Эдьигээн. Хаартыскаҕа Андрей Сорокин түһэриитэ.
Бөлөххө киир:
Ил Дархан Айсен Николаев бүгүн, олунньу 9 күнүгэр, Эдьигээн улууһугар агротехнологическай хайысхалаах орто оскуолатын үөрэнээччилэрин кытта көрүстэ. Бу оскуолаҕа бүтүн Арассыыйатааҕы, өрөспүүбүүкэтээҕи куонкурустар кыайыылаахтара, дипломаннара үөрэнэллэр.
«Оскуола оҕолоро төрөөбүт кыраайдарын, хотугу норуоттар үгэстэрин үөрэтэр бырайыактарынан дьарыктаналлар эбит. Бу олус туһалаах уонна суолталаах. Оҕолор үөрэхтэрин таһынан научнай үлэнэн дьарыктаналларыттан үөрдүм», – диэн Ил Дархан Айсен Николаев бэлиэтиир.

 Көрсүһүү кэмигэр үөрэнээччилэр аҕа баһылыкка бэйэлэрин научнай үлэлэрин, холобур, балык тириитин таҥастааһын, балыгы ыыһыыр технологиялар, дьоҕус биисинэһи арктическай оройуоннарга сайыннарар бырайыактары билиһиннэрдилэр.

11-с кылаас үөрэнээччиитэ Ольга Грачушник «Сборник практико-ориентированных задач по физике» үлэтин билиһиннэрдэ. «Физика биридимиэт быһыытынан уустук. Ол иһин мин учууталбын кытта бу биридимиэти судургутутар соруктаах садаачалар хомуурунньуктарын толкуйдаабыппыт. Садаачалар биһиги нэһилиэкпит тэрилтэтин үлэтигэр-хамнаһыгар олоҕуран оҥоһулунна. Хомуурунньукпар 40 садаача баар. Балар истэригэр итиинэн хааччыйыы, энэргиэтикэ, тырааныспар, норуокка үгэс буолбут төрүт дьарыкпыт барыта киирэ сылдьар. Үөрэнээччилэр интэриэһиргиэхтэрэ дии саныыбын. Оччотугар хомуурунньугум көмөтүнэн физиканы үөрэтии судургутуйуо», – диэн Ольга Грачушник санаатын үллэстэр.

11-с кылаас үөрэнээччитэ Дмитрий Аполлонов «Народное достояние России» диэн бүтүн Арассыыйатааҕы куонкуруска бастакы истиэпэннээх дипломант аатын сүкпүт. Онон «Будущее Российской науки» диэн мэтээлинэн наҕараадаламмыт. Үлэтин тиэмэтэ: «Технология приготовления и реализация продажи копчёной рыбы».  Үлэтин сүнньэ — балыгы астааһын ырысыаба буолар. Бу ырысыап көлүөнэттэн көлүөнэҕэ бэриллэн киниэхэ эбэтиттэн  Наталья Ивановна Охлопковаттан кэлбит. «Мин научнай салайааччыбын кытта олохтоох Эдьигээммит бородууксуйатын пропагандалыыр соруктаахпыт», – диэн Дмитрий Аполлонов кэпсиир.

Оҕолор сайдыыларыгар  оптоволокно ситиминэн холбоммут түргэн интэриниэт көмөлөөх буолуоҕа диэн Ил Дархан бэлиэтиир.  Оҕолор бырайыактарын олоххо киллэриилэригэр, Эдьигээн бородууксуйатын киэҥ эйгэҕэ таһаарыыга көмөлөөх буолуоҕа диэтэ.

Агротехнологическай үөрэхтээһин киинигэр Эдьигээн оскуолатыгар үөрэтэр уонна оҥорон таһаарар кластердар үлэлииллэр. Ол курдук балыктааһыҥҥа, хоту сиргэ үүнээйини олордууга, агротуризмҥа, этнокултуурунай үөрэхтээһиҥҥэ туһуламмыт кластердарга агротехнологическай хайысхалаах үөрэтэр 27  бырагыраама баар.

Оскуола базатыгар тэпилииссэ, оҕуруот баар. Сайынын маннык хайысхалаах лааҕыр үлэлиир.

+1
4
+1
1
+1
0
+1
0
+1
0
+1
0
+1
0
Бары сонуннар
Салгыы
24 февраля
  • -30°C
  • Ощущается: -37°Влажность: 63% Скорость ветра: 2 м/с

Сообщить об опечатке

Текст, который будет отправлен нашим редакторам: