Ил Дархан, бырабыыталыстыба дьаһалтатын пресс-сулууспата.
Күндү Саха сирин олохтоохторо!
Бэчээт уонна сонуну киэҥник тарҕатар сириэстибэлэр
ытыктабыллаах үлэһиттэрэ уонна бэтэрээннэрэ!
Саха Өрөспүүбүлүкэтин салалтатын уонна тус бэйэм ааппыттан эһигини Национальнай бэчээт күнүнэн эҕэрдэлиибин!
Национальнай бэчээт өрөспүүбүлүкэбит норуоттарын култуураларын уонна тылларын чөл хаалларарга сүҥкэн суолталаах. Национальнай бэчээттээх буоламмыт хаһыаты, кинигэни төрөөбүт тылбытынан ааҕар, тэлэбиисэринэн, араадьыйанан биэриилэри эмиэ төрөөбүт тылбытынан көрөр-истэр кыахтаахпыт. Бу барыта национальнай журналистика олугун уурбут национальнай бэчээттэн саҕаламмыта.
Бүгүн Саха сиригэр бастакы хаһыат – «Саха дойдута» диэн уопсастыбаннай-бэлитиичэскэй уонна литературнай хаһыат бастакы нүөмэрэ тахсыбыта 116 сылын туолла. Онуоха хаһыаты аан бастаан саха тылынан таһаарбыт Николай Егорович Афанасьевы ахтан-санаан ааһар оруннаах. Кини хаһыаты нуучча уонна саха тылларынан таһаарарга Крафт губернатортан көҥүл ылбыта. Национальнай литературабыт бастакы айымньылара бу хаһыакка бэчээттэнэн тахсыбыттара.
Бүгүн өрөспүүбүлүкэбитигэр 30 хаһыат, ол иһигэр өрөспүүбүлүкэтэтээҕи уонна улуустардааҕы хаһыаттар, ону тэҥэ 3 сурунаал саха тылынан тахсар. Ону таһынан «Илкэн» диэн Хоту дойду төрүт олохтоох аҕыйах ахсааннаах норуоттарын хаһыата тахсар.
Анал байыаннай дьайыы зонатыгар сэриилэһэ сылдьар буойуттарбытыгар төрөөбүт тылларынан тахсыбыт хаһыаты тутан ааҕар ураты үөрүүлээх, төрөөбүт дойдуларын кытары быстыбат ситим туоһута буолан, ыарахаттары туоруулларыгар күүс-көмө буолар.
Биһиги таһаарыыларбыт аныгы сыыппара кэмин кытта тэҥҥэ сайдан, Интернет куйаарыгар төрөөбүт тылынан иһитиннэрэр портааллар тэрилиннилэр. Элбэх ааҕааччыны тардар бу эйгэҕэ үлэ Саха Өрөспүүбүлүкэтин Бырабыыталыстыбатын өйөбүлүнэн салгыы ыытыллар. Онуоха бөҕө тирэҕинэн «Саха Өрөспүүбүлүкэтигэр тыллар тустарынан» сокуоммут буолар. Ол быһыытынан ырытан оҥоһуллубут тыллары сайыннарар тус сыаллаах судаарыстыбаннай бырагыраама үбүлэниитэ быйыл икки төгүл улаатыннарыллан 100 мөлүйүөн солкуобайга тэҥнэстэ.
Күндү өрөспүүбүлүкэ олохтоохторо!
Өссө төгүл эһигини Национальнай бэчээт күнүнэн эҕэрдэлиибин! Төрөөбүт тылгытынан тахсар хаһыаттары, кинигэлэри ааҕыҥ, национальнай хампаанньа тэлэбиисэринэн уонна араадьыйанан биэриилэрин көрүҥ, истиҥ. Оҕолоргутун, сиэннэргитин, ыччат дьоҥҥутун онно уһуйуҥ. Ол буолуоҕа эрэгийиэннээҕи национальнай култуурабытын өйүүргэ, төрөөбүт тылбытын, төрүт үгэспитин чөл хаалларарга тус кылааккыт. Национальнай бэчээт сүрүн соруга онно сытар.
Барыгытыгар эйэни, үтүөнү уонна дьолу баҕарабын!
Саха Өрөспүүбүлүкэтин Ил Дархана А.С. Николаев
Тохсунньу 1 күнүгэр киин куоракка Курнатовскай аатынан уулуссаҕа Toyota Succeed массыына 55 саастаах суоппара утары…
Күн-дьыл туруга бу күннэргэ хайдаҕый? Төһө тымныйарый? Өрөспүүбүлүкэ хотугулуу-арҕаа, арҕаа, соҕуруулуу-арҕаа улуустарыгар кыралаан кыралаан хаардыыр.…
2025 сылга болдьоҕо бүтэр суоппар дастабырыанньата үс сылга диэри уһатыллан биэрэр. Бу туһунан Госавтоинспекция пресс-сулууспата…
Хатас олохтооҕо Полина Ефремова быйылгы харыйатын бэйэтэ оҥорбут куукулаларынан симээбит. “Тэлэбииһэринэн “Саха сатаабата суох” биэриигэ,…
Саха сиригэр кэнники сэттэ сылга араас бырагыраама чэрчитинэн 171 саҥа үөрэх эбийиэгэ тутулунна. Бу туһунан…
Прикладнай физика үнүстүүтүн дааннайынан Сиргэ магнитнай буурҕа кыамтатын таһыма «олус күүстээх» категорияҕа диэри таҕыста диэн…