Ил Дархан Айсен Николаев сүрүн сыалы ситиһэр суолталаах ыйаахтар туолууларыгар мунньаҕы ыытта

Бүгүн Ил Дархан Айсен Николаев сүрүн сыалы ситиһэр суолталаах ыйаахтар туолууларын хаамыытынан мунньах ыытта.

Өрөспүүбүлүкэ баһылыга РФ Бэрэсидьиэнэ Владимир Путин ыам ыйынааҕы «2030 сылга уонна 2036 сылга диэри РФ сайдыытыгар национальнай сыал-сорук туһунан» ыйааҕар сөп түбэһиннэрэн, сүрүн сыалы ситиһэр суолталаах ыйаахтары олоххо киллэриигэ бырайыак портфеллэрин көрдөрүүлэрин сиһилии ырытыы наадатын тоһоҕолоото.

«Сүрүн сыалы ситиһэр суолталаах ыйаахтар, бастатан туран, дьон олоҕун тупсарыыга туһуланаллар. Сүрүн сорук – киһи хапытаалын сайыннарыы, чуолаан тыа сиригэр, дьон олоҕун уйгутун үрдэтии», – диэн эттэ Айсен Николаев.

Кини туһааннаах стратегическай былаан докумуоннарын көрүүгэ киллэрэр курдук, 2024 сыл алтынньы 1 күнүгэр диэри бырайыактары оҥорон бүтэрэргэ уонна стратегическай ыйаахтары олоххо киллэриигэ бырайыактары ​​бэлэмнээһин үлэтин түмүктүүргэ сорудахтаата.

Ил Дархан Бырабыыталыстыба чилиэннэрин болҕомтолорун биэдэмистибэлэр бииргэ үлэлээһиннэригэр ууралларыгар, сүрүн сыалы ситиһэр суолталаах ыйаахтар бары бииргэ хамаанданан эрэ үлэлээтэхтэринэ ситиһиллэрин ыйда.

Айсен Николаев ону сэргэ ыйыллыбыт сыалы ситиһэргэ үп-харчы өттүнэн хааччыйыы мэхэньиисимин тобулуу соругун туруорда. Онуоха ханнык сыалы инники туруорууну быһаарыы үлэтэ ыытыллыахтаах.

Ону таһынан Ил Дархан стратегическай ыйааҕы олоххо киллэриигэ муниципальнай оройуоннар салайааччыларын кытта үлэни тэрийэргэ соруйда.