Хаартыскаҕа Андрей Сорокин түһэриитэ, СИА.
Ил Дархан Татарстан Өрөспүүбүлүкэтин Бырабыыталыстыбатын бэрэссэдээтэлин солбуйааччыны кытары көрүстэ.
Ил Дархан бу көрсүһүүгэ Рустам Миннихановы кытары дуогабар чэрчитинэн, Дьокуускай уонна Казань куорат икки ардыларыгар салгын аалынан быһа көтүү сибээһэ аһыллыбытын, ол тэрилтэлэр икки икки ардыларыгар бииргэ үлэлээһини сайыннарарга көмөлөһөрүн, өрөспүүбүлүкэлэр олохтоохторугар сыһыаны бөҕөргөтөрүн туһунан бэлиэтээн эттэ.
«Биһиги өрөспүүбүлүкэбит 100 сылыгар национальнай-култуурунай түмсүүлэр, казачество салайааччыларын кытары көрсүһүүгэ «Туган Як» диэн Татаардар култуураларын киинин аатыттан өрөспүүбүлүкэҕэ федеральнай Сабантуй ыытар туһунан этии киирбитэ. Биһиги бу көҕүлээһини өйөөбүппүт. Бары көмөлөөн уопсай күүһүнэн эһиил тэрийиэхпит диэн эрэнэбин. Маннык улахан тэрээһини тэрийэргэ Дьокуускай бэлэм. Бу бырааттыы норуокка дьоһуннаах хардыынан буолуоҕа«, — диэн этэр Ил Дархан.
Маныаха В.Шайхразиев айылҕа усулуобуйатыттан, ырааҕыттан тутулуктаммакка, Сабантуй холбоһуктаах күүһүнэн үрдүк таһымнаахтык ыытылларыгар эрэнэрин биллэрдэ. Кини Айсен Николаевка тэрийэр кэмитиэти тэрийэригэр уонна ону салайарыгар этии киллэрдэ.
РФ Бэрэсидьиэнэ В.Путин, Сабантуй дойду култууратын быстыспат сорҕото буоларын бэлиэтээн турар.
Дойдуга биир сомоҕону уонна духуобунас уопсастыбатын бөҕөргөтүүгэ туһуламмыт федеральнай Сабантуй Арассыыйа эрэгийиэннэриттэн биирдэстэригэр ыытыллар. 2001 сыллаахха бастакы бэстибээл Саратовка, 2023 сыллаахха Кемерово уобалаһыгар буолбута. 2024 сылга Марий Эл Өрөспүүбүлүкэтигэр ыытыллар.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…