СИА. Андрей Сорокин хаартыскалара
«Бүтэһик сылга, байыаннай эпэрээссийэ ыытыллар кэмигэр, Аҕа дойдуну көмүскээччи оруола хас да бүк улаатта. Бу – биһиги дойдубутугар ураты суолталаах бырааһынньык. Биһиэхэ судургута суох тургутуу кэмэ кэллэ. Барыбытыгар уустук уонна аймалҕаннаах кэмнэр үүннүлэр. Эһиги кырдьык иһин Аҕа дойду көмүскэлигэр сылдьаҕыт, куттал суох буолуутун хааччыйаҕыт», — диэн Ил Дархан байыаннай дьайыы кыттыылаахтарыгар туһаайан эттэ. Итиэннэ Ил Дархан өрөспүүбүлүкэ байыаннай дьайыы кыттыылаахтарын уонна кинилэр дьиэ кэргэттэрин өйүүр аадырыстаах көмө судаарыстыбаннай пуондатын тэрийии туһунан дойду Аҕа баһылыгын көҕүлээһинин өйүүрүн туһунан иһитиннэрдэ.
Социальнай өйөбүлгэ номнуо миллиардтан тахса үп-харчы ыытылынна. Биир кэлим координационнай киин көдьүүстээхтик үлэлээн, байыаннай дьайыыга сылдьар буойуттарга күүс-көмө буоларын кэпсээтэ.
Бу күн РФ судаарыстыбаннай наҕараадалара 11 буойуҥҥа туттарылынна.
Байыаннай дьайыыга хорсун быһыыларын иһин «Эр санаа» уордьанынан Леонтий Леонтьевич Докторов, Айан Николаевич Долгунов, Кирилл Владимирович Шерстянников наҕараадаланнылар. Маны таһынан туһааннаах уордьанынан, хомойуох иһин, биһиги кэккэбитигэр номнуо суох Жаргал Дашеевич Занданов, Александр Владимирович Зубко уонна Евгений Васильевич Китчегясов дьонноругар туттарылынна.
«За заслуги перед Отечеством» уордьан II истиэпэнинэн Лев Платонович Слепцов уонна Георгий Андреевич Федоров, ону таһынан «За отвагу» мэтээлинэн Константин Николаевич Анисимов, Илья Андреевич Делиграсов уонна Суоһун Уохтаан Туолун-Уола наҕараадаланнылар.
Наҕараадаламмыт буойуттар ааттарыттан Илья Делиграсов Ил Дархаҥҥа уонна Саха Өрөспүүбүлүкэтин бырабыыталыстыбатыгар байыаннай дьайыыга сылдьар уолаттарга уонна кинилэр чугас дьонноругар көмөлөрүн иһин махтанна.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…