Дыгын оонньуулара түмүктэнээтин аҕыйах чааһынан, киэһэ 18.00 чаастан, Үс Хатыҥҥа «Дьөһөгөй» ипподромҥа Ил Дархан бирииһигэр 2400 миэтэрэ уһуннаах дистанцияҕа ат сүүрдүүтэ буолуоҕа.
Сүүрүүгэ түөрт саастаах ыраас боруодалаах 10 сылгы кыттар. Бу дьыл тохсунньу 1 күнүнээҕи туругунан Саха сиригэр аҕалыллыбыт бары сылгылар кытталлар. Бириис пуондата — 5 мөлүйүөн солкуобай.
Сүүмэрдиир күрэхтэһиилэр түмүгүнэн күрэххэ кыттыахтара: Супер Таргет (Горнай улууһа), Конст Холидей (Амма улууһа), Эвр (Хаҥалас улууһа), Лансье (Уус Алдан улууһа), Нэйчерел Кин (Мэҥэ- Хаҥалас улууһа), Аутлендер (Нам улууһа), Дьокуускайтан Йортен («Саха тент»), Делленджер (Ньурба улууһа), Басар Барс (Сунтаар улууһа) уонна Князь Болотоков (Чурапчы улууһа).
3200 м дистанцияҕа 10 сылгы Саха сирин Бырабыыталыстыбатын бирииһин иһин күрэхтэһиэхтэрэ. Бириис пуондата — 600 тыһыынча солкуобай. Бу күн барыта биэс дистанцияҕа ат сүүрдүүтэ ыытыллара былааннанар: 1000 м, 1000 м, 1600 м, 2400 м уонна 3200 м — бириис пуондата — 6,3 мөлүйүөн солк.
Ил Дархан бирииһигэр ат сүүрдүүтүн тэрийээччилэрэ — СӨ Ил Дарханын уонна бырабыыталыстыбатын дьаһалтата, Саха сирин Бырабыыталыстыбата, Тыа хаһаайыстыбатын министиэристибэтэ, Дьокуускай куорат дьаһалтата, Саха сирин ат успуордун Федерацията.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…