Хаартыска: сахагов.
Ахсынньы 19 күнүгэр, бээтинсэҕэ, Арассыыйа бэрэсидьиэнэ Владимир Путин суруналыыстары кытта пресс-кэмпириэнсийэ ыытыаҕа.
РФ Бэрэсидьиэнэ ааспыт сыл түмүгүн таһаарыаҕа уонна ыйытыыларга хоруйдуоҕа. Тэрээһиҥҥэ Саха сириттэн “Саха” ГТРК ыытааччыта Анна Ярыгина, “Саха” НКИХ суруналыыстара Ирина Ефимова уонна Олег Колесов-Талбан, улуустааҕы “Ньурба уоттара” («Огни Нюрбы») хаһыат кылаабынай эрэдээктэрэ Лена Петрова кытта бардылар.
Олег Колесов-Талбан быйыл Владимир Путин пресс-кэмпириэнсийэтигэр кыттарга Саха сириттэн хаһааҥҥытааҕар да элбэх суруналыыс талыллыбытын бэлиэтээтэ. «Хампаанньабыт устуоруйаыгар аан бастаан “Саха” НКИХ икки суруналыыһа кыттар. Биир идэлээхтэрбит бэрэсидьиэҥҥэ ыйытыы биэрбэтэхтэрэ быданнаата. Онон бу сырыыга элбэх буоламмыт, ыйытыы биэрэр инибит диэн эрэнэбит«, — диэтэ Олег Колесов-Талбан.
Биэрии “Бастакы ханаал”, “Россия 1”, “Россия 24”, “НТВ”, “ОТР”, “Мир” тэлэбиидэнньэ федеральнай ханаалларыгар көстүөҕэ. «Маяк», «Вести ФМ», «Радио России» араадьыйаларга эмиэ истиэххэ сөп. Эпиир ахсынньы 19 күнүгэр 18 чаастан буолуоҕа.
Сиһилии: https://www.sakha.gov.ru/news/17411 сигэнэн аах.
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…
Анал байыаннай дьайыы зонатыгар Саха сирин тирэх пууннарын үлэһиттэрэ нэдиэлэ иһигэр 11 төгүл тахса сырыттылар.…
Дьокуускайдааҕы Саха политиэхиньиичэскэй лиссиэйигэр «Пилоты будущего» диэн дрону салайыыга Бүтүн Арассыыйатааҕы куонкурус эрэгийиэннээҕи түһүмэҕэ түмүктэннэ.…
Ил Түмэҥҥэ судаарыстыбаннай уонна уопсастыбаннай диэйэтэл, Саха Өрөспүүбүлүкэтин норуотун хаһаайыстыбатын үтүөлээх үлэһитэ, «Бочуот Знага», «Үлэ Кыһыл…