Ил Дархан Өлүөхүмэҕэ байыас дьиэ кэргэнин кытта көрүстэ

Ил Дархан Айсен Николаев Өлүөхүмэҕэ байыаннай сулууспалаахт дьиэ кэргэнин кытта көрүстэ.

Сулууспалыы  сылдьан байыас  бааһырбыт, билигин эмтэнэ сылдьар. Аймахтара кининэн олус киэн тутталлар. Соторутааҕыта байыас уоппускаҕа кэлэ сылдьыбыт. Байыас дьиэ кэргэнигэр төрөөбүт оройуонуттан да, өрөспүүбүлүкэттэн да наадалаах көмө барыта оҥоһуллар. Дьиэ кэргэн улуус баһылыга Николая Харбиҥҥа махталын тиэрдэр. Николай Николаевич зонаҕа бара сырыттаҕына төрөппүттэрэ уолларыгар төрөөбүт күнүгэр бэлэхтэрин ыыппытар.

«Дьиҥнээх эр киһини, патриот уол оҕону иитиигит иһин махтанабын! Биһиги байыаспытыгар сотору кэминэн чөлүгэр түһэригэр уонна дьиэтигэр этэҥҥэ төннөрүгэр баҕарабын!» — диир Айсен Николаев.