Хаартыска: А.Сорокин (СИА)
Өрөспүүбүлүкэ Ил Дархана Айсен Николаев Жатай бөһүөлэгэр оробуочай сырыытын кэмигэр куорат уокуругун баһылыга Евгения Исаевалыын муниципальнай тэриллии социальнай-экэнэмиичэскэй сайдыытын боппуруостарын дьүүллэстилэр.
Көрсүһүүгэ судаарыстыбаннай уонна муниципальнай бырагыраамалары толоруу хаамыытын, социальнай эбийиэктэри тутуу боппуруостара көрүлүннүлэр.
Билигин бөһүөлэккэ 5 тыһыынчаттан тахса кв.м. иэннээх, 360 миэстэлээх оскуоланы тутуу түмүктэнэр. Үс мэндиэмэннээх эбийиэк «Үөрэхтээһин» национальнай бырайыак чэрчитинэн федеральнай үбүлээһининэн, өрөспүүбүлүкэ инвестицияҕа бырагырааматынан тутуллар. Оскуола быйыл үлэҕэ киллэриллиэхтээх.
Ону сэргэ Жатайдааҕы судоверфь үлэһиттэригэр 200 миэстэлээх уопсай дьиэни тутуу салҕанар. Евгения Исаева бөһүөлэккэ саҥа поликлиниканы тутуу боппуруоһун көтөхтө. Билигин нэһилиэнньэҕэ мэдиссиинэ өҥөтүн Дьокуускай куораттааҕы мэдиссиинэ киинэ оҥорор. Тутуу учаастага, коммуникацияларга холбонор кыах бааллар.
Ону сэргэ оҕо ускуустубатын оскуолатын саҥа дьиэтин тутуу наадатын бэлиэтээтилэр.
Айсен Николаев Жатайга өссө да элбэх үлэ былааннанарын, былаас олохтоох уорганнар көҕүлээһиннэрин өйүүрүн туһунан эттэ.
Билигин Жатайга 11 тыһыынчаттан тахса киһи олорор. 2026 сылга Жатайга уһуйааннаах, оскуолалаах, успуорт уонна култуура комплекстардаах, оҕо иитэр төрөппүттэр уонна учууталлар олорор дьиэлээх «Точка будущего» диэн үөрэх улахан комплекска аһыллыахтаах.
Мииринэй оройуонун Таас Үрэх сэлиэнньэтигэр элбэх хайысхалаах култуура киинин тутуу саҕаланна. Манна култуура дьиэтэ, бибилэтиэкэ,…
“Сүүрбэ сыл устата миигин өйөөбүккүтүгэр уонна миэхэ бэриниилээх тапталгыт иһин ис сүрэхтэн махтанабын. Хотторуу да,…
Саха сиригэр суукка устата 10 буруйу оҥоруу бэлиэтэммит. Бу туһунан СӨ Борокуратуурата иһитиннэрдэ. Ол курдук,…
Сотору кэминэн өрүстэр халаанныыр кэмнэрэ кэлиэ. Былырыын халааҥҥа да, ойуур баһаарыгар да федеральнай таһымнаах ыксаллаах…
Бэҕэһээ, муус устар 18 күнүгэр, Нам сэлиэнньэтигэр М.К. Аммосов аатынан култуура уонна духуобунай сайдыы дыбарыаһыгар…
Таатта улууһун Оһуокай түмсүүтүн салайааччыта И.Ф.Иванов тэрээһининэн үһүс сылын ыытыллар Оһуокай күрэҕэ буолла. Күрэҕи СӨ…