Хаартыскаҕа Мария Васильева түһэриитэ. СИА
Горнай улууһугар Ил Дархан федеральнай уонна эрэгийиэннээҕи граннары ылбыт кыайыылаахтары кытта Арассыыйатааҕы «Знание. Первые» сырдатыы марафонун чэрчитинэн ыытыллар тэрээһиҥҥэ көрүстэ.
“Бүгүҥҥү күн туругунан грант ылыыга социальнай хайысхалаах кэммиэрчэскэйэ суох тэрилтэлэр эрэ кыттар кыахтаахтар. Миэхэ кыттааччылары элбэтэр туһунан элбэх этии киирэр. Онон грант ылыы күрэхтэһиитигэр мантан ыла ИП-лары уонна мунициальнай тэрилтэлэри кытыннарыахха диэн этии киллэрэбин. Мин санаабар, бу күрэскэ киирэр бырайыактар хайысхаларын кэҥэтэргэ туһалаах буолуо”, — диэтэ Ил Дархан.
Ил Дархан Саха сирэ кэнники сылларга Бэрэсидьиэн граннарыгар уонна култуура көҕүлээһиннэрин өйүүр пуонда күрэстэригэр биһирэммит бырайыактарынан дойду үрдүнэн инники кирбиигэ сылдьарын бэлиэтээн эттэ. Үс сыл иһигэр Саха сириттэн 212 бырайыак биһирэммит, 245 мөлүйүөнтэн тахса солкуобай киирбит.
Биллэрин курдук, Горнай улууһа өрөспүүбүлүкэҕэ граннарга кыттыыга бары улуустартан ордук көрдөрүүлээх. Ааспыт үс сыл иһигэр, Горнайга араас федеральнай уонна эрэгийиэннээҕи күрэстэртэн грант быһыытынан 32 мөлүйүөн солкуобай киирбит. Барыта 71 бырайыак биһирэммит, олортон 21 Бэрэсидьиэн граннарын пуондатыттан, 22 Ил Дархан граннарын пуондатыттан.
“Маннык ситиһиилэр сөптөөх үлэни тэрийии, дьону үөрэтии, информацияны дьоҥҥо тиэрдии түмүгэр баар буоллулар”, — диэн Ил Дархан бэлиэтиир.
Айсен Николаев көхтөөх дьону кытта үлэни тэрийэр суолталааҕын ыйан туран, «Ситим» бибилэтиэкэни холобурдаата. Бэрдьигэстээх бибилэтиэкэтэ кырдьык, дьону көҕүлүүр ресурснай киин быһыытынан үлэлээбитэ ырааппыт. Атын улуустарга эмиэ бибилэтиэкэлэр кинигэни кытта үлэнэн муҥурдаммакка, аныгы кэм кыһалҕаларын учуоттаан, бу курдук үлэни ыыталлара бэлиэтэннэ.
Биллэн турар, социальнай хайысхалаах кэммиэрчэскэйэ суох тэриллиилэри өйөөһүн урукку тэтиминэн бара туруоҕа. Аҥардас бу сыллааҕы өрөспүүбүлүкэ бүддьүөтүттэн грант быһыытынан үллэриигэ 70 мөлүйүөнтэн тахса солкуобай тыырыллыбыт. Үс сыл иһигэр бу өйөбүл сууммата 156 мөлүйүөн солкуобайга тэҥнэспит.
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…