Ил Дархан харыйата хаһан буолара билиннэ

Үөрэх миниистирэ Ньургууна Соколова үөрэх управлениелара кыттыылаах мунньаҕы ыытта. Мунньахха үөрэх дьылын сүрүн боппуруостарын көрдүлэр.

2019-2024 сылларга туһуламмыт национальнай бырайыактар үлэлэрэ түмүктэнэр. 2025 сылтан саҥа национальнай бырайыактар үлэлэрэ саҕаланыаҕа.

2025 сылтан 402 оскуолаҕа үлэ уруогар уонна «ОБЗР» уруогар кэбиниэттэри тэрийиигэ уонна анал тэриллэринэн хааччыйыыга федеральнай бүддьүөттэн үбүлээһин көрүллүөҕэ.

2025 сылга 38 үөрэх тэрилтэтэ саҥа оптуобустарынан хааччыллыахтаах.

Дьокуускайга 200 миэстэлээх «Спутник» лааҕыр дьиэтэ тутулла турар. Маны тэҥэ, 2027 сылга диэри Амма, Горнай улуустарыгар 100-түү миэстэлээх лааҕырдар тутуллуохтара.

Ил Дархан харыйатын болдьоҕо билиннэ — Дьокуускайга ахсынньы 20-21 күннэригэр ыытыллыаҕа.

«Мин бастакы идэм» бырайыак 617 үөрэнээччитэ анал сэртипикээттэри тутта.

Бу нэдиэлэттэн Бүтүн Арассыыйатааҕы үөрэнээччилэр олимпиадаларын муниципальнай түһүмэҕэ саҕаланна.

Бу чиэппэргэ түмүктүүр өйтөн суруйуу ахсынньы 4 күнүгэр буолуоҕа. Эбии болдьох ананна: олунньу 5 күнүгэр уонна муус устар 9 күнүгэр.

Бу уонна мантан атын боппуруостары мунньахха ырыттылар.