Хаартыска: Ил Дархан, бырабыыталыстыба пресс-сулууспата.
Ил Дархан Айсен Николаев Мэҥэ Хаҥалас улууһун баһылыга Дмитрий Тихоновы кытта көрүстэ. Көрсүһүүгэ оттооһун үлэтин, национальнай бырайыактары үлэлэтии боппуруостарын таарыйдылар.
Сайыҥҥы биир күн кыһыны аһатар. Дмитрий Тихонов сүөһү кыстыгар бэлэмнэнии үлэтин кэпсээтэ.
— Мэҥэ Хаҥалас улууһугар былаан быһыытынан, 42 тыһыынча туонна оту уонна да атын эбии аһылыгы бэлэмниэхтээхпит. Ардахтар кэннилэриттэн, от үүннэ, ол эрээри, сорох нэһилиэктэргэ билигин да куураайы. Онон 18 мобильнай биригээдэни тэрийдибит. Былааммытын толору толоруохпут, — диэн кини эттэ.
Национальнай бырайыактары ыллахха, улууска 16 нэһилиэккэ 25 эбийиэк тутулла турар. Айсен Николаев тутуу хаачыстыбата аныгы ирдэбиллэргэ эппиэттиэхтээх, кыраапык булгуччу тутуһуллуохтаах, онон үлэни күүстээх хонтуруолга ылыллыахтаах диэн тоһоҕолоон бэлиэтээтэ.
Дмитрий Тихонов иһитиннэрбитинэн, быйыл улууска эбии үөрэхтээһин хайысхатынан, IT-куб аһыллыаҕа.
Ил Дархан оҕолору сыыппара үөрэҕэр үөрэтэри таһынан, идэҕэ туһаайар үлэни күүһүрдүөххэ наадатын, IT-исписэлиистэри эрэ буолбакка, агробырамыысыланнай комплекска, оҥорон таһаарыыга, о.д.а. үлэһиттэри бэлэмниир мастарыскыайдары арыйар наадалааҕын ыйда.
Ил Дархан, бырабыыталыстыба пресс-сулууспата.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…