Ил Дархан Национальнай гвардия күнүнэн эҕэрдэлээтэ

Владимир Путин  2017 сыл  тохсунньу 16 күнүнээҕи Ыйааҕынан кулун тутар 27 күнүгэр РФ Национальнай гвардиятын войскаларын идэлээх бырааһынньыктара олохтоммута. 

Ил Дархан Айсен Николаев Национальнай гвардия  күнүнэн сулууспалыы сылдьар үлэһиттэри уонна гвардия бэтэрээннэрин бэлиэ күнүнэн эҕэрдэлээтэ. Ил Дархан Саха сиригэр быйылгы бэлиэ күн ордук суолталааҕын бэлиэтээн эттэ: “Бу сыл биһиги өрөспүүбүлүкэбитигэр сулууспалыыр Росгвардия салаата быйыл төгүрүк даатаны бэлиэтиир — СОБР «Алмаз» уонна ОМОН «Бизон» анал дьайыы бөлөхтөрө олохтоммуттарын 30 сыла буолар. Биһиги байыастарбыт анал байыаннай дьайыы саҕаламмыт бастакы күннэриттэн инники кирбиигэ сылдьаллар, дойдубут бэрэсидьиэнэ Владимир Путин туруорбут сорудахтарын толороллор”, — диэтэ.