Ил Дархан Наука күнүнэн эҕэрдэлээтэ
Кини эҕэрдэтигэр Арассыыйаҕа Наука уонна технология уон сылын иитинэн Саха сиригэр киэҥ хабааннаах үлэ ыытылларын эттэ. Ол курдук ааспыт сылга «100 вопросов ученому», «Ни дня без науки», «Ученые в школы» аахсыйалар уонна устудьуоннар научнай түмсүүлэрин куонкурустара тэриллэн ыытыллыбыттара. Биир сүрүн тэрээһининэн «Наука0+» наука бэстибээлэ буолар. Бэстибээлгэ 20 тыһыынча кэриҥэ киһи кыттыбыта.
-Эдэр учуонайдар саҥа көрүүнү, саҥа идиэйэлэри киллэрэллэр. Бу наука уонна технология инникитэ буолар. Онон биһиги кинилэри өйүөхтээхпит, үлэлэригэр наадалаах ресурсаларынан хааччыйыахтаахпыт. Ол курдук былырыын эдэр учуонайдарга, исписэлиистэргэ, устудьуоннарга 500 тыһ. солк. Ил Дархан 10 грант научнай уонна научнай-техническэй бырайыактарын олоххо киллэрэллэригэр анаан бэриллибитэ. Маны таһынан 5 мөл. солк. граны СӨ эдэр учуонайдарын өйүүр научнай-үөрэтэр пуонда ылбыта. Билигин «Север: территория устойчивого развития» научнай-үөрэтэр киин үлэтин салгыыр. Былырыын киин федеральнай бүддьүөттэн 121 мөл. 463 тыһ. солк. ылбыта, — диэн эҕэрдэтигэр эбэн эттэ.
Сообщить об опечатке
Текст, который будет отправлен нашим редакторам: