Ил Дархан офтальмология сулууспатын сайдыытыгар соруктары туруорда

Share

Ил Дархан Айсен Николаев  Офтальмология өрөспүүбүлүкэтээҕи килиниичэскэй балыыһатын кылаабынай бырааһын Иван Луцканы кытары көрсөн,  балыыһа үлэтин түмүктэрин уонна соруктарын дьүүллэстилэр.

«Кэнники сылларга Саха сирин офтальмолог-хирурдара  бэйэлэрин кыахтарын уонна үлэлэрин географиятын кэҥэттилэр. Балыыһаҕа эрэ буолбакка, өрөспүүбүлүкэ улуустарыгар элбэх эпэрээссийэни оҥордулар. “КАМаз” массыына баазатыгар  көһө сылдьар комплекс көмөтүнэн лазерынан эмтээһин өрөспүүбүлүкэ улуустарыгар табыгастаах буолла. Харах быраастара  Арктика улуустарыгар анал мэдиссиинискэй көмөнү оҥорорго боруобалыыр бырайыакка кыттыстылар.  Киин куораттан чугас сытар нэһилиэктэр олохтоохторугар анаан ыытыллар “биир күн эпэрээссийэтин” нэһилиэнньэ олус сөбүлээтэ. Бу үлэ түмүгэ – үчүгэйдик көрөр буолбут дьон махтала”, — диэтэ Айсен Николаев.

Өрөспүүбүлүкэ баһылыга офтальмолог-хирурдар Донецкай Норуодунай Өрөспүүбүлүкэ сиригэр-уотугар үлэлэрин бэлиэтээтэ. Иван Луцкан салайааччылаах Саха сирин офтальмолог-быраастарын биригээдэтэ кулун тутар саҥатыгар  Донецкайтан үһүс командировкаларыттан кэлбитэ.

Иван Луцкан иһитиннэрбитинэн, былырыын ылбыт көһө сылдьар комплекстара 7 улууска сылдьан, 1296 киһини көрдө, 146 эпэрээссийэ оҥоһулунна. Кыһыҥҥы суол сабыллыар диэри  Кэбээйи уонна Нам улуустарыгар тиийэр былааннаахтар.

Быраастар  Арктика улуустарыгар тиийэллэр. Быйыл офтальмологтар биригээдэлэрэ айаннарын Анаабыр улууһуттан саҕалаабыттара, Эбээн Бытантай улууһугар, Зырянкаҕа, Орто Халымаҕа, Черскэйгэ уо.д.а. үлэлээтилэр.

Айсен Николаев ситиһиллибитинэн тохтоон хаалбакка,  саҥа технологиялары олоххо киллэрии үлэтин салҕыыр соругу туруорда.

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар

Ньурбаҕа икки киһини сокуоннайа суохтук хаайбыттарын туһунан иһитиннэрии тула бэрэбиэркэ саҕаланна

Ньурба улууһугар олохтоох киһи икки киһини сокуоннайа суохтук хаайбытын туһунан иһитиннэрии тула процессуальнай бэрэбиэркэ саҕаланна…

39 минут ago
  • Сонуннар
  • Уопсастыба

Үс көлүөнэ Жегусовтар

Оҕону иитиигэ аҕа улахан оруоллааҕа бары эр дьоҥҥо холобур буолар "Аҕа күрэҕэ" тэрээһиҥҥэ арылхайдык көстөр. …

1 час ago
  • Сонуннар
  • Уопсастыба

Виктор Лебедев: «Оҕолор билиилэрэ-көрүүлэрэ элбээтэҕэ»

Норуот дьокутаата Виктор Лебедев өрөспүүбүлүкэ бастыҥ үөрэҕин кыһатын уопуттаах преподавателлэрин десаанын тэрийбитэ үһүс сыла буолла.…

2 часа ago
  • Бэрээдэк

Мииринэйгэ дьиэ баһаарыгар 1972 с.т. эр киһи суорума суолланна

Ааспыт сууккаҕа Саха сиригэр үс буруйу оҥоруу буолбутун туһунан СӨ борокуратуурата иһитиннэрэр. Дьокуускай икки олохтооҕо…

2 часа ago
  • Гороскоп

Күннээҕи гороскоп: муус устар 6 күнэ

Гороскоп Муус устар 6 күнүгэр сулустар тугу кэпсииллэрий?   Хой Бу күн сэниэлээххин, инникигэ эрэллээххин.…

3 часа ago
  • Байыаннай эпэрээссийэ
  • Сонуннар
  • Уопсастыба

«Медведь» – өлүүнү кыайбыт хорсун байыас

Үөһээ Бүлүү улууһуттан төрүттээх «Шторм-2» 39-с мотострелковай биригээдэ байыаһа «Медведь» иккитэ дьонугар өлбүтүн туһунан биллэрии…

3 часа ago