Бүгүн, от ыйын 19 күнүгэр, Ил Дархан Айсен Николаев уонна куорат баһылыга Евгений Григорьев «Прометей» түөлбэҕэ тутуллубут 39 №-дээх саҥа оскуола уораҕайыгар куорат педагогическай уопсастыбаннаһын кытта көрүстүлэр. Көрсүһүү кэмигэр уһуйааннар, оскуолалар дириэктэрдэрэ, учууталлар санаа үллэһиннилэр, кинилэри долгутар ыйытыылары биэрдилэр.
Ол курдук Дьокуускай куорат 13 №-дээх оскуолатын дириэктэрэ Галина Васильева оскуолалара туризм хайысхатын тутуһарын, сотору Байкалга айанныахтаахтарын сырдатта. Ону сэргэ оскуола о5олорун туризма уһуйуу — оҕо төрөөбүт дойдутугар харыстабыллаах, бэриниилээх сыһыаннаах буоларыгар көмөлөһөрүн бэлиэтээтэ. «Звездочка» уһуйаантан Елена Горбунова кэлэн Ил Дархаҥҥа, куорат баһылыгар махтанна. Уонна билигин даҕаны уһуйааннарга улахан уочараттар баалларын, иитэр үлэһит хамнас кыратыттан тиийбэтин эттэ. Коркина Евдокия диэн Ларионов аатынан физико-техническэй лиссиэйгэ нуучча тылын учуутала быйыл үөрэппит оҕото БКЭ-5э 100 баалы ылбыт. Кини сыл ахсын элбэх о5ону Наука дьо5ус академиятыгар дьарыктыырга, ону сэргэ эбии үөрэх быһыытынан олимпиадаларга ситиһиилээх оҕолору бэлэмниир оскуоланы туруоруста. Дьокуускай куорат 23 №-дээх оскуолатын дириэктэрэ Георгий Афонскай БКЭ түмүктэрин көрдөрөр хомуурунньуктар кэлин тахсыбат буолбуттарын эттэ. Бу учууталларга олус наадалааҕын ыйда. Бу курдук учууталлар, оскуола дириэктэрдэрэ санааларын үллэһиннилэр, сорохтор бэйэлэрин этиилэрин Ил Дархаҥҥа суругунан киллэрдилэр.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…