Ил Дархан СӨ Бырабыыталыстыбатын Бэрэссэдээтэлин дуоһунаһыгар Кирилл Бычков кандидатуратын туруорда

Саха сирин Ил Дарханын А.С.Николаев Ыйааҕынан Кирилл Евгеньевич Бычков СӨ Бырабыыталыстыбатын Бэрэссэдээтэлин эбээһинэһин толорооччунан ананна.

Ыспыраапка:

Бычков Кирилл Евгеньевич 1996 сыллаахха РФ Тас дойдулар дьыалаларыгар министиэристибэтин Москватааҕы норуоттар икки ардыларынааҕы сыһыаннаһыыга судаарыстыбаннай университетын (МГИМО) бүтэрбитэ (норуоттар икки ардыларынааҕы экэниэмикэҕэ сыһыаннаһыы факультета, норуоттар икки ардыларынааҕы валюта-кирэдьиит сыһыаннаһыытын салаата).

Үлэтэ-хамнаһа:

1996-2005 сс. “Сиданко” НК” ААУо, Cargill International.

2005-2008 сс.  “Гео-Альянс” концерн бырабылыанньатын бэрэссэдээтэлэ.

2009-2011 сс. Тверь уобалаһын губернаторын сүбэһитэ, Тверь уобалаһын губернаторын солбуйааччы.

2012 с.  “Стройтрансгаз” ААУо толорор дириэктэрин солбуйааччы.

2013-2015 сс. инвестиция кэккэ пуондаларын управляющай партнера.

2016-2017 сс. Москва уобалаһын Бырабыыталыстыбатын Бэрэссэдээтэлин солбуйааччы сүбэһитэ.

2017-2018  сс. “Москва уобалаһын сайдыытын корпорацията” АУо генеральнай дириэктэрэ.

Саха Өрөспүүбүлүкэтин Ил Дарханын 2018 сыл алтынньы 18 күнүнээҕи 108 №-дээх Ыйааҕынан Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччынан анаммыта.

10.11.2020 – 28.09.2023 – Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: сахаговтан