Хаартыска: Коми Өрөспүүбүлүкэтин бырабыыталыстыбата.
Ил Дархан Айсен Николаев Коми Өрөспүүбүлүкэтин олохтооҕо Сергей Сотниковы «Гражданскай килбиэн» бэлиэнэн наҕараадалаата диэн СИА суруйар. Сергей Сотников өҥөтүнэн, 2010 сыллаахха Саха сириттэн көтөн испит сөмөлүөт саахалланан баран, быраҕыллыбыт аэропорка түспүтэ, ким да эмсэҕэлээбэтэҕэ. Бу олоххо буолбут түбэлтэнэн, «Елки» киинэ уһуллубута.
2010 сыл балаҕан ыйыгар Удачнайтан Москваҕа көтөн испит сөмөлүөккэ эмискэ элэктэриичистибэтэ уонна навигационнай систиэмэтэ арахсыбыта. Экипаж Сыктывкарга түһэргэ көрдөспүтэ эрээри, сибээс быстан хаалбыта, уматык да бүтэн эрэрэ. Онон хамандыыр аһаҕас хонууга түһэргэ быһаарыы ылыммыта. Эмискэ лүөччүктэр Ижма бөһүөлэк аттыгар дьоҕус аэропорт балаһата баарын көрө түспүттэрэ.
Бу аэродром 12 сылы быһа үлэлээбэккэ, быраҕыллан турбута, ол эрээри, көтөр-түһэр балаһатын туруга үчүгэй этэ. Бу сыллар тухары балаһаны Ижматааҕы бөртөлүөт былаһааккатын начаалынньыга Сергей Сотников санаата буолбакка, ыраастыыр, көрөр-харайар эбит.
Онон саахалламмыт «Ту-154» сөмөлүөт манна кэлэн түспүтэ, көтөр-түһэр балаһаттан 164 миэтэрэ ойуур диэки тахсыбыт да буоллар, алдьамматаҕа. «Ту» сөмөлүөт түһэригэр балаһа уһуна 2 килэмиэтир буолуохтаах, оттон Ижмаҕа 1,3 килэмиэтир уһуннаах этэ. Ол да буоллар, 72 пассажир уонна экипаж 9 чилиэнэ эмсэҕэлээбэтэхтэрэ.
Ил Дархан аатыттан үрдүк судаарыстыбаннай наҕарааданы Сыктывкарга Владимир Никонов туттарда. Кини Коми Өрөспүүбүлүкэтигэр борокуруор солбуйааччытынан үлэлии сылдьыбыта. Төһө да бириэмэ аастар, наҕараада дьоруойун булла!
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…