Андрей Сорокин (СИА) хаартыската
Өрөспүүбүлүкэ баһылыга Айсен Николаев Судаарыстыбаннай Дуума эрэгийиэннээҕи бэлиитикэтин уонна олохтоох бэйэни салайыныыга кэмитиэтин бэрэссэдээлин солбуйааччы, «Биир ньыгыл Арассыыйа» баартыйа фракциятын салайааччытын солбуйааччы Сергей Морозовы кытта көрүстэ.
«Выбирай своё» олохтоох оҥорон таһаарыыны өйүүр эрэгийиэннээҕи бырайыак олоххо киириитин көрдүлэр. «Биир ньыгыл Арассыыйа» баартыйа бырайыага өрөспүүбүлүкэҕэ улахан суолталаах. Эрэгийиэн сайдыытыгар кэскиллээх хайысхалар бааллар», – диэтэ Айсен Николаев.
Сергей Морозов «Биир ньыгыл Арассыыйа» баартыйа фракцията Судаарыстыбаннай Дууманы кытары бииргэ чугастааҕы кэмҥэ олохтоох оҥорон таһаарыыны өйүүр кэккэ дьаһаллары киллэрэри былаанныырын эттэ. Ол, бастатан туран, тастан киириини солбуйуо диэтэ.
«Сокуоҥҥа быһаарыныыны ылыныы эрэ буолбакка, көннөрүүлэр эмиэ киириэхтэрэ. Холобур, бырамыысыланнай ипотека, Саха сирин биисинэһэ судаарыстыбаннай үпкэ баайы-дуолу ылар эрэ буолбакка, үбүлээһини эмиэ ылар кыахтанарын курдук», – диэн бэлиэтээтэ Сергей Морозов.
Сергей Морозов өрөспүүбүлүкэ уот энергиятын биэрэр источниктарын бырайыактара улахан интэриэһи тардалларын бэлиэтээтэ. Кини эппитинэн, Саха сиригэр туһаныллыан сөптөөх, РФ Бырабыыталыстыбатын кытары көҥүл экэнэмиичэскэй зона туһунан сокуон оҥоһуллубут.
Айсен Николаев уонна Сергей Морозов кэпсэтии кэмигэр Саха сиригэр олус наадалаах Өлүөнэ муостатын тутуутун туһунан боппуруоһу таарыйдылар. Сергей Иванович муоста чугастааҕы кэмҥэ тутулларын курдук, «Биир ньыгыл Арассыыйа» баартыйа өрөспүүбүлүкэ баһылыгар көмөлөһүөхтээҕин бэлиэтээтэ.
Көрсүһүүгэ «Выбирай своё» бырайыак сүрүннээччитэ, «Сделано в Якутии» өрөспүүбүлүкэтээҕи урбаанньыттар ассоциацияларын бэрэссэдээтэлэ Ольга Григорьева уонна предпринимательство, атыы-эргиэн уонна туризм миниистирэ Тимур Ханды кытыннылар.
СӨ Ил Дарханын уонна Бырабыыталыстыбатын дьаһалтатын пресс-сулууспата.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…