Салгыы
Ил Дархан Уол оҕо күнүнэн эҕэрдэтэ

Ил Дархан Уол оҕо күнүнэн эҕэрдэтэ

Ааптар:
14.04.2024, 09:54
Хаартыска: sakha.gov.ru
Бөлөххө киир:

Ил Дархан Айсен Николаев Саха Өрөспүүбүлүкэтигэр Уол оҕо күнүнэн эҕэрдэлээтэ.

«Ытыктабыллаах Саха сирин олохтоохторо! Саха Өрөспүүбүлүкэтигэр Уол оҕо күнүнэн эҕэрдэлиибин! Бу бэлиэ күнү сэттис төгүлүн биһиги Саха сиригэр Ийэ дойдубутун көмүскэччилэрин иитиигэ ураты суолталаахтык бэлиэтиибит.

Уолаттарбыт — удьуору утумнааччылар эрэ буолбакка, бастатан туран, Ийэ дойдуларын көмүскээччилэр. Анал байыаннай дьайыы саха ыалыгар хайдах курдук дьоруой уолаттар иитиллибиттэрин көрдөрдө. Бу эр санаалаах, күүстээх буойун-патриоттар, дойдубут килбиэннээх уолаттара. Саха сирин үүнэр көлүөнэтэ кинилэргэ тэннэһиэхтээх, холобур ылыахтаах.

Арассыыйа дьоруойдара  — комбат Александр Колесов, «Алеша» таанка экипаһын чилиэннэрэ Филипп Евсеев, Алексей Неустроев, хорсун муора пехотинеһа Дмитрий Егоров, офицердар Игорь Юргин, Николай Соболев, ону тэҥэ «Восток» бөлөх байыаһа Родим Максимов – Саха сирин чулуу уолаттара.

Уол оҕо дьоһуннаах киһи буола улаатарын туһугар оҕо сааһыттан иитиигэ улахан болҕомто ууруллуохтаах. Билиҥҥи эр киһи күүстээх эрэ буолбакка, көнө майгылаах, олоххо дьулуурдаах, үтүө уонна амарах саналаах буолуохтаах.

Уол оҕону патриоттуу иитиигэ Саха сиригэр улахан болҕомто ууруллар. Биһиэхэ өрөспүүбүлүкэҕэ билигин 289 байыаннай-патриотическай кулууп, «Юнармия» 231 этэрээтэ, 11 көрдүүр- чинчийэр этэрээт, 7 кадетскай уонна 4 хаһааччыйа кылаастара бааллар.

Дьокуускайдааҕы кадетскай оскуолаҕа төрдүс сылын оҕолору уонна ыччаты байыаннай- патриотическай иитии тиһигин хайысхатыгар «Авангард» диэн үөрэтэр-методическай киин үлэлиир. Эрэгийиэҥҥэ сыл ахсын патриотическай иитии ыйдара ыытыллаллар. Ол курдук, быйыл Дьокуускай куорат байыаннай-патриотическай кулууптарын уонна «Юнармия» этэрээттэрин ортотугар «Я- патриот» квиз-оонньуу тэрилиннэ.

Оскуолаларга «Эр санааланыы уруоктара», кылаас уонна куратор чаастара, Аҕа дойдуну көмүскэччилэрин күнүгэр аналлаах ырыа көрүүлэрэ ыытылыннылар. Патриотическай иитии ыйын сүрүн түгэнинэн  «Армейский городок» бэстибээл, өрөспүүбүлүкэтээҕи «Снежный барс» байыаннай-успуорт оонньууларын муниципальнай түһүмэхтэрэ уонна «Без срока давности» өйтөн суруйуу Бүтүн Арассыыйатааҕы куонкурус эрэгийиэннээҕи түһүмэҕэ буоллулар. Бу барыта биһиги уолаттарбытын дойду дьиҥнээх гражданнара уонна патриоттара буоларга иитэр.

Сахабыт сирин олохтоохторо!

Уол оҕо – бу төрөппүттэр тирэҕэ, киэн туттуулара уонна эрэллэрэ. Уолаттары уонна төрөппүттэри бырааһынньыгынан эҕэрдэлиибин. Эһиги сырдык ыра санааҕыт туолуохтун, оттон аҕаҕыт уонна ийэҕит эр киһини иитиигэ дьоһун махталларын ыллыннар. Уол оҕо күнүнэн!».

+1
1
+1
1
+1
1
+1
1
+1
0
+1
1
+1
1
Бары сонуннар
Салгыы
13 июня
  • 14°C
  • Ощущается: 13°Влажность: 72% Скорость ветра: 0 м/с

Сообщить об опечатке

Текст, который будет отправлен нашим редакторам: